فوتو: قر تجم
ۇلىتاۋ وبلىسى تجد باستىعى پولكوۆنيك ەسەن بايىروۆ بۇل جاڭارتۋدىڭ قر توتەنشە جاعدايلار ءمينيسترى, گەنەرال-مايور شىڭعىس ءارىنوۆتىڭ تىكەلەي قولداۋىنىڭ ناتيجەسى ەكەنىن اتاپ ءوتتى.
ونىڭ ايتۋىنشا, قازىرگى تاڭدا رەسپۋبليكا بويىنشا قالالىق جانە اۋىلدىق بولىمشەلەر ءۇشىن بىرىڭعاي جاراقتاندىرۋ جانە دايىندىق ستاندارتتارى ەنگىزىلىپ جاتىر.
«بۇل – ەلىمىزدىڭ قاي تۇكپىرىندە ورنالاسقانىنا قاراماستان, بارلىق بولىمشەلەردىڭ زاماناۋي تەحنيكامەن قامتاماسىز ەتىلۋىن جانە حالىقتى قورعاۋ بويىنشا ءوز مىندەتتەرىن تولىققاندى اتقارۋىن قامتاماسىز ەتەتىن ماڭىزدى قادام», دەدى ول.
جاڭادان بەرىلگەن تەحنيكا توتەنشە جاعدايلارعا دەر كەزىندە ارەكەت ەتۋگە, اسىرەسە شالعاي اۋىلداردا جەدەل كومەك كورسەتۋگە زور مۇمكىندىك بەرەدى. بۇل وڭىرلەردەگى ينفراقۇرىلىم مەن قىزمەت ساپاسىن تەڭەستىرۋگە باعىتتالعان ناقتى ءىس-شارالارىنىڭ ءبىرى.
سالتاناتتى ءراسىم بارىسىندا قىزمەتتىك مىندەتىن ادال اتقارعان, كاسىبيلىگىمەن جانە ەرلىگىمەن ەرەكشەلەنگەن قىزمەتكەرلەرگە قر تجم, وبلىس اكىمدىگى مەن وبلىستىق ءماسليحاتتىڭ اتىنان قۇرمەت گراموتالارى مەن العىس حاتتار تابىس ەتىلدى.
ۇلىتاۋ وبلىسىنىڭ اكىمى داستان رىسپەكوۆ قۇتتىقتاۋ سوزىندە ازاماتتىق قورعاۋ قىزمەتىنىڭ الەۋەتىن ارتتىرۋ تۇرعىنداردىڭ قاۋىپسىزدىگىن قامتاماسىز ەتۋدىڭ باستى تەتىگى ەكەنىن اتاپ ءوتتى. ول توتەنشە جاعدايلار قىزمەتكەرلەرىنە تابىس پەن جاڭا كاسىبي جەتىستىكتەر تىلەدى.
