لۋكاشەنكو نازارباەۆقا مينسك كەلىسسوزى تۋرالى ايتىپ بەردى

استانا. 12 اقپان. بۇگىن ءتۇس اۋا قازاقستان پرەزيدەنتى نۇرسۇلتان نازارباەۆ پەن بەلارۋس پرەزيدەنتى الەكساندر لۋكاشەنكو تەلەفون ارقىلى سويلەستى. بۇل تۋرالى اقوردانىڭ ءباسپاسوز قىزمەتى حابارلادى. ا.لۋكاشەنكو رەسەي, ۋكراينا, فرانتسيا پرەزيدەنتتەرىنىڭ جانە گەرمانيا كانتسلەرىنىڭ مينسكىدە «نورماند فورماتىندا» وتكىزگەن كەلىسسوزدەرىنىڭ قورىتىندىلارى تۋرالى ايتتى. قازاقستان پرەزيدەنتى ءوزىن حاباردار ەتكەنى ءۇشىن العىس ءبىلدىردى جانە كەزدەسۋدىڭ جاقسى ۇيىمداستىرىلۋىمەن, سونداي-اق كەلىسسوزدەردىڭ تابىستى اياقتالۋىمەن قۇتتىقتادى. مەملەكەتتەر باسشىلارى بارلىق تاراپتىڭ بەيبىت ۇدەرىستى قامتاماسىز ەتۋگە جۇمساعان كۇش-جىگەرى ۋكرايناداعى داعدارىستى رەتتەۋگە سەپتىگىن تيگىزەدى دەپ ۇمىتتەنەتىندەرىن ءبىلدىردى. پرەزيدەنتتەر تاياۋ ارادا ءبىزدىڭ ەلىمىزدە قازاقستان, بەلارۋس جانە رەسەي مەملەكەتتەرى باسشىلارىنىڭ كەزدەسۋىن وتكىزۋ تۋرالى ۋاعدالاستى. تەلەفون ارقىلى سويلەسۋگە بەلارۋس جاعى باستاماشى بولدى. مينسكىدەگى كەلىسسوز 17 ساعاتقا جۋىق ۋاقىتقا سوزىلدى. ساكەن مايلىباي.