گوسپيتال پاتسيەنتتەرىنىڭ ورتاشا جاسى شامامەن 70 جاستى قۇرايدى.
ستاتسيوناردا رەنتگەنوگرافيا, فگدس, بارلىق تۇردەگى ۋدز, ەكگ, سماد جانە باسقا دا زەرتتەپ-قاراۋلاردى قامتيتىن تولىق كونسۋلتاتسيالىق-دياگنوستيكالىق كومەكتىڭ تولىق سپەكترى كورسەتىلەدى.
مەكەمەدە اسەپتيكالىق بلوكتارى بار گوسپيتالدىق فارماتسيا ءبولىمى, ءوز زەرتحاناسى جانە ديەتولوگ دارىگەردىڭ باقىلاۋىمەن ەمدىك تاعام ازىرلەنەتىن اسحانا جۇمىس ىستەيدى.
جەڭىس كۇنى قارساڭىندا گوسپيتالگە پارلامەنت سەناتىنىڭ دەپۋتاتتارى كەلدى. ءىس-شاراعا دەنساۋلىق ساقتاۋ ۆيتسە-ءمينيسترى تيمۋر مۇراتوۆ پەن گوسپيتالدىڭ ديرەكتورى دينارا ۋرازالينا قاتىستى.
دەپۋتاتتار مەديتسينالىق كومەكتىڭ جاعدايىمەن تانىسىپ, بولىمشەلەردى ارالاپ, پاتسيەنتتەرمەن جانە مەديتسينا قىزمەتكەرلەرىمەن اڭگىمەلەستى.
نازار اۋدارىلعان باستى ماسەلەلەر — زاڭنامالىق نورمالاردىڭ جۇزەگە اسىرىلۋى, رەسۋرستىق قامتاماسىز ەتۋ جانە ارداگەرلەر مەن ولارعا تەڭەستىرىلگەن ازاماتتارعا كورسەتىلەتىن الەۋمەتتىك قولداۋ دەڭگەيى.
سەناتورلار اسكەري-مەديتسينالىق جۇيەنى ودان ءارى نىعايتۋدىڭ, نورماتيۆتىك بازانى جەتىلدىرۋ مەن ۆەدومستۆوارالىق ءوزارا ءىس-قيمىلدى دامىتۋدىڭ ماڭىزدىلىعىن اتاپ ءوتتى.
