- ءسىزدىڭ ساۋدا-ساتتىق جۇيەڭىز قالاي جۇمىس ىستەيدى جانە ونىڭ ەرەكشەلىكتەرى قانداي؟
- ء بىزدىڭ ساۋدا-ساتتىق جۇيەمىز زاڭنامادا كوزدەلگەن بارلىق تىلدەردە, ونىڭ ىشىندە ەڭ الدىمەن — قازاقستان رەسپۋبليكاسىنىڭ «تىلدەر تۋرالى» زاڭىنا ساي تولىق جۇمىس ىستەيدى. ءبىز ءۇشىن ماڭىزدىسى – ءبىز ساۋدا راسىمدەرىنىڭ بارلىق كەزەڭدەرى قازاق تىلىندە قولجەتىمدى ەلدەگى جالعىز ساۋدا الاڭىمىز. بۇل جاي عانا قازاق تىلىنە اۋدارىلعان سايت ينتەرفەيسى نەمەسە قورىتىندى ەسەپتەر ەمەس. بىزدە ءوتىنىم بەرۋدەن باستاپ ساۋدا-ساتتىققا قاتىسۋعا دەيىنگى بارلىق ارەكەتتەردى ورىس نەمەسە اعىلشىن تىلدەرىنە جۇگىنبەي-اق تەك قازاق تىلىندە جاساۋعا بولادى.
- ال باسقا تاۋار بيرجالارىندا قازاق ءتىلىنىڭ جاعدايى قالاي؟
- مەنىڭ بىلۋىمشە, باسقا تاۋار بيرجالارىنداعى ساۋدا راسىمدەرىندە قازاق ءتىلى جوق. سايتتىڭ ينتەرفەيسى ءىشىنارا اۋدارىلعان بولۋى مۇمكىن, قورىتىندى ەسەپتەر قازاق تىلىندە جاريالانۋى مۇمكىن. بىراق مەنىڭ اقپاراتىم بويىنشا, ازاماتتار سايتقا كىرىپ, قازاق تىلىندە تولىققاندى ساۋدا جاساي الاتىنداي باسقا بيرجا جوق. بۇل نەگىزى وتە ماڭىزدى نارسە. ويتكەنى, تەك قازاق ءتىلىن عانا مەڭگەرگەن قازاقستان ازاماتىنىڭ ەلدىڭ ەكونوميكالىق قۇرالدارىنا تەڭ قولجەتكىزە الۋ مۇمكىندىگى بولۋى كەرەك.
- ياعني, ءسىزدىڭ ويىڭىزشا, قازاق تىلىندە ساۋدا جاساۋ قۇقىعى كەز كەلگەن جۇيەدە قامتاماسىز ەتىلۋى ءتيىس, سولاي ما؟
- البەتتە. ەگەر ادام مەملەكەتتىك تىلدە سويلەسە, ول بيرجالىق ينفراقۇرىلىمعا تەڭ قول جەتكىزۋگە قۇقىلى. ماسەلە باسقادا: رەتتەۋشى مەكەمەلەردىڭ بىرەۋى بولسىن, بۇل سۇراق جونىندە بۇرىن-سوڭدى ويلاندى ما؟ تسيفرلىق ساۋدا جۇيەلەرىندە تىلدەر تۋرالى زاڭنىڭ ورىندالۋىنا قاتىستى مونيتورينگ بار ما؟ ازىرگە – جوق.
- ال مەملەكەت بيرجالاردىڭ اق-ينفراقۇرىلىمىندا قازاق ءتىلىنىڭ قولدانىلۋىن مۇلدەم باقىلاماي ما؟
- ءيا, ءدال سولاي. بىزدە تسيفرلىق پلاتفورمالاردا ءتىل زاڭناماسىنىڭ ساقتالۋىن باعالايتىن بىردە-ءبىر جۇيە جوق. ساۋدا جۇيەسىنىڭ ءوزى قاي تىلدە جاسالعانىن ەشكىم تەكسەرمەيدى. ەگەر پلاتفورمانىڭ وزەگى Xetra نەمەسە Plaza سياقتى شەتەلدىك تەحنولوگيالارعا نەگىزدەلگەن بولسا, وندا بۇل جۇيەلەردى قازاق تىلىنە اۋدارۋ تەحنيكالىق جاعىنان قيىن جانە قىمبات. كوبىسى مۇنى مۇلدەم جاسامايدى.
- قازاق تىلىندەگى تەرمينولوگيا تۋرالى نە ايتا الاسىز؟
- بۇل دا ۇلكەن ماسەلە. بىزدە ءالى كۇنگە دەيىن قازاق تىلىندە قالىپتاسقان قارجىلىق جانە بيرجالىق تەرمينولوگيا جوق. سونىڭ سالدارىنان, ءتىپتى ءسىز جۇيەنى اۋدارساڭىز دا, پايدالانۋشىلار شاتاسۋى مۇمكىن. مىسالى, «ساۋدا» ءسوزى كونتەكستكە بايلانىستى «ساۋدا-ساتتىق», «ساۋدا الاڭى» جانە «وپەراتسيا» دەگەندى دە ءبىلدىرۋى مۇمكىن. مينيسترلىكتەر, وكىنىشكە وراي, قازاق تىلىندە, اسىرەسە ەكونوميكالىق سالادا ءتۇسىندىرۋ جۇمىستارىن جۇرگىزبەيدى. بىراق بۇل تەك قانا ءتىل ماسەلەسى ەمەس قوي, بۇل قارجىلىق ينكليۋزيا جانە ازاماتتاردىڭ قۇقىقتارىنىڭ تەڭ بولۋ ماسەلەسى.
- ءسىزدىڭ ويىڭىزشا نەنى وزگەرتۋ كەرەك؟
- مەنىڭ ويىمشا:
- قازاقستان رەسپۋبليكاسىندا جۇمىس ىستەيتىن بارلىق بيرجالار مەن ساۋدا جۇيەلەرى قازاق تىلىندە تولىققاندى جۇمىستى قامتاماسىز ەتۋگە مىندەتتى;
- تىلدەر تۋرالى زاڭنىڭ ساقتالۋى بويىنشا ات (اقپاراتتىق تەحنولوگيالار) جۇيەلەرىنە مەملەكەتتىك اۋديت ەنگىزۋ قاجەت;
- جانە ارينە, ءاربىر ازامات ءتۇسىنۋى, قاتىسۋى جانە ىقپال ەتۋى ءۇشىن قازاق تىلىندە ەكونوميكالىق-قارجىلىق تەرمينولوگيانى قالىپتاستىرۋ بويىنشا ۇلتتىق دەڭگەيدەگى بىرلەسكەن جۇمىس قاجەت.
