مينسكىدە بايلانىس توبى قورىتىندى قۇجاتقا قول قويدى

استانا. 12 اقپان. مينسكىدە «نورماند تورتتىگىنىڭ» ۋكراينا جونىندەگى بايلانىس توبى قورىتىندى قۇجاتقا قول قويدى. بۇل تۋرالى «پوليت.رۋ» حابارلادى. «نورمانديا تورتتىگى» ەلدەرىنىڭ (رەسەي, ۋكراينا, فوانتسيا جانە گەرمانيا) ليدەرلەرى بەكىتكەننەن كەيىن ۋكراينا جونىندەگى بايلانىس توبى كەلىسسوزدىڭ قورىتىندى قۇجاتىنا قول قويدى», - دەلىنگەن رەسەي پرەزيدەنتى ۆلاديمير ءپۋتيننىڭ سوزىنە سىلتەمە جاساعان ريا «نوۆوستي» حابارلاماسىندا. «ءبىر قۇجاتقا قازىر عانا قول قويىلدى. قۇجاتقا بايلانىس توبى قول قويدى. ول «مينسك كەلىسىمىن يمپلەمەنتاتسيا جاساۋعا باعىتتالعان شارالار كەشەنى تۋرالى» دەپ اتالادى. ال ەكىنشى قۇجاتقا ءالى قول قويىلعان جوق. ول - فرانتسيا, ۋكراينا پرەزيدەنتتەرىنىڭ, سىزدەرگە باس ءيۋشى قىزمەتشىلەرىڭىزدىڭ جانە گەرمانيا كانتسلەرىنىڭ وسى پروتسەستى قولدمينسك, ليدەرايتىندىعى تۋرالى مالىمدەمەلەرى», - ءمالىم ەتتى رەسەي پرەزيدەنتى. قۇجاتقا سونداي-اق وزدەرىن وزدەرى جاريالاعان دونەتسك جانە لۋگانسك حالىق رەسپۋبليكالارىنىڭ ليدەرلەرى الەكساندر زاچارچەنكو مەن يگور پلوتنيتسكي دە قولدارىن قالدىردى. بۇدان بۇرىن كەزدەسۋگە قاتىسۋشىلار جەكسەنبىدە, اقپاننىڭ 14-نەن 15-نە قاراعان ءتۇنى ۋكراينانىڭ وڭتۇستىك-شىعىسىنداعى اتىستى توقتاتىپ, ۋكراين اسكەريلەرى مەن سپەراتيستەر جاساقتارىنىڭ تۇيىسكەن نۇكتەلەرىنەن اۋىر قارۋ-جاراقتاردى الىپ كەتۋ تۋراسىندا كەلىسىمگە كەلگەن ەدى. قارۋ-جاراقتى اكەتۋ سەيسەنبى, 17 اقپانعا دەيىن جاسالىپ ءبىتۋى كەرەك. بۇدان باسقا, مينسكىدەگى كەلىسسوزدە بەكىتىدگەن قۇجات دونباسس بولىگىنە ايرىقشا ستاتۋس بەرمەكشى. اڭگىمە ۋكراينانىڭ دونەتسك جانە لۋگانسك وبلىستارىنىڭ جەكەلەگەن اۋداندارى تۋرالى بولىپ وتىر. ال ايرىقشا مارتەبەدە جاساق قۇرامىندا سوعىسقاندارعا امنيستيا بەرۋ, وسى تەرريتوريالارداعى ءتىل قولدانىسىن وزدەرىنە انىقتاۋ قۇقىعىن بەرۋ, سونداي-اق رەسەيمەن شەكتەسەتىن ايماقتار ارالاس-قۇرالاستىقتىق ىنتىماقتاستىعىن جالعاستىرۋ جايلارى قاراستىرىلعان. مۇرات ايتقوجا. دەرەك, سۋرەت: پوليت.رۋ.