فوتو: ەرلان ومار, «EQ»
قازىر ءبىر ستۋدەنتتى وقىتۋعا بولىنەتىن ورتاشا قاراجات كولەمى 437 مىڭ تەڭگەنى قۇرايدى. 1 قىركۇيەكتەن باستاپ ول ورتا ەسەپپەن 912 مىڭ تەڭگە كولەمىندە بولادى.
«جاڭا قارجىلاندىرۋ ءنورماتيۆى نەگىزگى جانە ىنتالاندىرۋشى تولەم بولىكتەرىنەن تۇرادى. ىنتالاندىرۋشى تولەمدەر ناقتى كورسەتكىشتەرگە قول جەتكىزگەن كوللەدجدەرگە بەرىلەدى. بۇل جاڭا قارجىلاندىرۋ جۇيەسى باسەكەگە قابىلەتتى مامانداردى دايارلاۋعا, ءبىلىم بەرۋ ۇيىمدارىن زاماناۋي ماتەريالدىق-تەحنيكالىق جابدىقتارمەن قامتاماسىز ەتۋگە, پەداگوگتەردىڭ بىلىكتىلىگىن ارتتىرۋ كۋرستارىن ۇيىمداستىرۋعا مۇمكىندىك بەرەدى», دەلىنگەن وقۋ-اعارتۋ مينيسترلىگىنىڭ حابارلاماسىندا.
سونىمەن قاتار, كوللەدجدەردىڭ وقۋ-وندىرىستىك شەبەرحانالارىندا وندىرىلگەن ءونىمدى ساتىلىمعا شىعارۋ مەحانيزمى قاراستىرىلىپ جاتىر. وندىرىستەن تۇسكەن تابىس ءبىلىم بەرۋ ۇيىمدارىن دامىتۋعا باعىتتالادى دەپ جوسپارلانىپ وتىر.
