فوتو: اقوردا
«ۆەتنام – قازاقستاننىڭ ازياداعى ماڭىزدى سەرىكتەسى. ءبىزدىڭ ءوسىپ-وركەندەۋ جولىنداعى مۇددەمىز – ورتاق. مەن ەكى جىل بۇرىن ۆەتنامعا رەسمي ساپارمەن باردىم. سوندا ەكىجاقتى ىقپالداستىقتىڭ جاڭا باعىتتارىن دامىتۋعا ۋاعدالاستىق. كەلەسى ايدا ەكى ەل اراسىنداعى ديپلوماتيالىق قاتىناستىڭ ورناعانىنا 33 جىل تولادى. الداعى ۋاقىتتا دا قوس حالىقتىڭ دوستىعى نىعايا بەرمەك. مەن بۇعان كامىل سەنەمىن. ءبىز ورتاق ماقسات-مىندەتتەرگە جەتۋ ءۇشىن كۇش جۇمىلدىرۋعا ءاردايىم دايىنبىز», دەدى قاسىم-جومارت توقاەۆ.
تو لام قازاق جەرىندە كورسەتىلگەن سىي-قۇرمەت ءۇشىن العىس ايتىپ, بۇگىنگى كەلىسسوزدەردىڭ ناتيجەسى قازاقستان مەن ۆەتنام اراسىنداعى قارىم-قاتىناستىڭ كوكجيەگىن كەڭەيتە تۇسەتىنىنە سەنىم ءبىلدىردى.
ء«سىزدىڭ ۆەتنامعا جاساعان ساپارىڭىزدان كەيىن ەكى جىل وتكەندە ءبىزدىڭ دەلەگاتسيانىڭ ەلىڭىزگە ارنايى كەلۋى مەملەكەتتەرىمىزدىڭ ىنتىماقتاستىعى قارقىندى دامىپ كەلە جاتقانىن كورسەتەدى. سونىمەن قاتار ءوزارا سەنىم دەڭگەيىنىڭ جوعارى ەكەنىنە ايقىن دالەل. قازاقستان ۆەتنامنىڭ ورتالىق ازياداعى العاشقى ستراتەگيالىق سەرىكتەسىنە اينالادى», دەدى ۆەتنام كوممۋنيستىك پارتياسى ورتالىق كوميتەتىنىڭ باس حاتشىسى.
