ر.ۆاسيلەنكو «جىبەك جولى» تۋرنەسى شەڭبەرىندە قازاقستاننىڭ ءتۇرلى قالالارىندا, سونىڭ ىشىندە استانا مەن تۇركىستاندا بىرقاتار كونتسەرتتەر وتكىزەتىن الەمگە ايگىلى حوردىڭ كەلۋىنە وراي قوشەمەتىن ءبىلدىردى. سونداي-اق ول مۇنداي مادەني ءىس-شارالار حالىقتار اراسىنداعى ءوزارا ىقپالداستىق پەن دوستىقتى تەرەڭدەتۋگە زور ۇلەس قوساتىنىن اتاپ ءوتتى.
– قوس ەل اراسىنداعى بەرىك ءارى سەنىمدى سەرىكتەستىك بۇرىننان قالىپتاسقان, قازىرگى تاڭدا ول زاماناۋي جوبالارمەن جاڭارىپ, دامي تۇسۋدە. ءبىز «مادريگال» حورىنىڭ كونتسەرتتەرى ارقىلى رۋمىنيانىڭ باي مادەني مۇراسىمەن تانىسامىز. بۇل شارا قازاقستاندا العاش رەت وتكىزىلىپ وتىر. ايتا كەتەرلىگى, حوردىڭ ورىنداۋىندا تەك رۋمىنيانىڭ عانا ەمەس, سونىمەن قاتار قازاقستان جانە ورتالىق ازيانىڭ باسقا دا ەلدەرىنىڭ ءانۇراندارى بار. قازاقتىڭ سۇيىكتى «ياپىراي» جانە «اگۋگاي» حالىق اندەرىن ەرەكشە وڭدەۋدە ورىنداۋى قوس مەملەكەت اراسىنداعى رۋحاني بايلانىستى ودان ءارى نىعايتا تۇسەدى, – دەدى ر.ۆاسيلەنكو.
كەزدەسۋ بارىسىندا تاراپتار قازاقستان مەن رۋمىنيا اراسىنداعى ساياسي جانە ساۋدا-ەكونوميكالىق ىنتىماقتاستىقتىڭ دامۋىن تالقىلاپ, وڭىرارالىق بايلانىستاردى كەڭەيتۋ مۇمكىندىكتەرى تۋرالى پىكىر الماستى.
ايتا كەتەيىك, «مادريگال» ۇلتتىق كامەرالىق حورىن 1963 جىلى كورنەكتى رۋمىن مۋزىكانتى جانە ديريجەرى مارين كونستانتين قۇرعان. ۇجىمنىڭ رەپەرتۋارىندا رەنەسسانس زامانىنىڭ, كلاسسيكالىق مۋزىكا, رومانتيزم, ۆيزانتيا مۋزىكاسى, سونداي-اق رۋمىن جانە الەمدىك كومپوزيتورلاردىڭ زاماناۋي تۋىندىلارى بار.
