«قىزداراي» ءانسامبلى «SUMMER FEST TASHKENT» بايقاۋىندا «كەڭ دالا», «ەكسپرەسسيا», «اسەمدىك» بيلەرىن بيلەپ, ءار جانردا دا قارسىلاستارىنان وزىپ شىقتى.
«قىزداراي» ءانسامبلى «نۇرا» اۋدانى بويىنشا بەلسەندى ۇزاق ءومىر ءسۇرۋ ورتالىعىنىڭ جانىنان قۇرىلعان, ولارعا بىلىكتى حورەوگراف يرينا سماعۇلوۆا جەتەكشىلىك ەتەدى.
ء«بىزدىڭ بي توبىمىز – جاس ونەر ۇجىمى, قۇرىلعانىنا نەبارى 2 جىل بولدى. وسى ءبىر از ۋاقىت ارالىعىندا جيىرماعا جۋىق بي قويىلىمدارىن دايىندادىق. بەلسەندى ۇزاق ءومىر ءسۇرۋ ورتالىعىنىڭ 62-77 جاس ارالىعىنداعى زەينەتكەرلەرى بي ۇيىرمەسىنە زور قىزىعۋشىلىق تانىتىپ قاتىسادى, بي ۇيرەنەمىن دەگەن ىنتاسى جوعارى. «قىزداراي» ءانسامبلىنىڭ قۇرامى ۇنەمى جاڭارىپ تۇرادى, ءبيشى اجەلەرىمىز ءاردايىم ىزدەنىس ۇستىندە, رەپەرتۋارلارى ءار الۋان», دەپ ءسوزىن تۇيىندەدى ءانسامبلدىڭ كوركەمدىك جەتەكشىسى يرينا نيكولاەۆنا.
