فوتو: kisi.kz
مەملەكەتتىك باستامالارعا ەڭ جوعارى قولداۋ كورسەتەتىن توپ – 18-29 ارالىعىنداعى جاستار ەكەن, رەسپوندەنتتەردىڭ 82%-ى وسىنداي پىكىر بىلدىرگەن. ەرەكشە اتايتىن تاعى ءبىر جايت, ەرلەرگە قاراعاندا (71,1%) ايەلدەر ەل دامۋىنا اناعۇرلىم وپتيميستىك باعا بەرگەن – 75,3%.
قوعامدىق كوڭىل-كۇيدىڭ ماڭىزدى كورسەتكىشى – حالىقتىڭ پرەزيدەنتكە دەگەن سەنىمى. قوعامدىق پىكىردى زەرتتەۋ ناتيجەلەرى بويىنشا, حالىقتىڭ 76,4%-ى مەملەكەت باسشىسىنا سەنىم بىلدىرگەن. جاستار اراسىندا پرەزيدەنتكە دەگەن سەنىم دەڭگەيى – 84,6%, ايەلدەر اراسىندا – 78,1% (ەرلەر اراسىندا – 74,5%). اۋىلدىق جانە قالالىق تۇرعىندار اراسىنداعى سەنىم دەڭگەيى شامامەن بىردەي – تيىسىنشە 76,8% جانە 76,1%.
سونداي-اق, رەسپوندەنتتەردىڭ جارتىسىنان استامى – 60,8% – ەلدىڭ الداعى 5 جىلداعى دامۋ پەرسپەكتيۆالارىن «وتە وڭ» نەمەسە «كوبىنە وڭ» دەپ باعالاعان.
بۇل الەۋمەتتىك وپتيميزم حالىقتىڭ ءومىر سۇرۋىنە قاناعاتتانۋشىلىق دەڭگەيىنەن دە كورىنىس تابادى. ء«سىز جالپى ومىرىڭىزگە قانشالىقتى قاناعاتتاناسىز؟» دەگەن سۇراققا رەسپوندەنتتەردىڭ 57,3%-ى «تولىق قاناعاتتانامىن», ال 32,8%-ى «كوبىنە قاناعاتتانامىن» دەپ جاۋاپ بەرگەن.
ساۋالناماعا قاتىسۋشىلار ساياسات, ەكونوميكا جانە ەلدىڭ قوعامدىق ءومىرى تۋرالى اقپاراتتى ينتەرنەت-باق (30,3%) پەن الەۋمەتتىك جەلىلەردەن (34,7%) العاندى ءجون سانايتىنىن اتاعان. زەرتتەۋگە 18 جاستان اسقان 8 مىڭ رەسپوندەنت قاتىسقان. ساۋالناما 17 وبلىس پەن رەسپۋبليكالىق ماڭىزى بار 3 قالانى قامتىعان. وقىرماندارمەن جەكە سۇحبات (CAPI ءادىسى) تۇرىندە جۇرگىزىلگەن ساۋالناما بيىل 20 ناۋرىز - 20 ءساۋىر ارالىعىندا وتكىزىلىپ, حالىقتىڭ الەۋمەتتىك-دەموگرافيالىق قۇرىلىمىن ەسكەرەتىن ىرىكتەمە نەگىزىندە جۇزەگە اسىرىلعان.
