فوتو: اشىق دەرەككوزدەن
بۇل كورسەتكىش 2023 جىلمەن سالىستىرعاندا 7%-عا ارتقاندىعىن كورسەتەدى. ونىڭ ىشىندە 45,2 مىڭ تونناسى تابيعي سۋ ايدىندارىنان اۋلانعان بالىققا, ال 18,2 مىڭ تونناسى بالىق ءوسىرۋ شارۋاشىلىقتارىندا وندىرىلگەن ونىمگە تيەسىلى. بالىق ونىمدەرىنىڭ ەكسپورتى 23,4 مىڭ توننانى قۇرايدى.
قازاقستاندا وندىرىلەتىن 50-دەن استام اتاۋلى بالىق ءونىمى دۇنيەجۇزىنىڭ 21 ەلىنە ەكسپورتتالادى. 72 كاسىپورىن بالىقتى قايتا وڭدەۋمەن اينالىسسا, سونىڭ 20 كاسىپورىنى ءوز ءونىمىن ەۋروپالىق وداق ەلدەرىنە جىبەرەدى.
بالىق پوپۋلياتسياسىن قالپىنا كەلتىرۋ ءۇشىن وتاندىق كاسىپورىنداردا ءتۇرلى جۇمىستار جۇزەگە اسىرىلادى. سونىڭ ىشىندە تابيعي سۋ ايدىندارىنا جىل سايىن شاباق جىبەرۋ پروتسەسى قاراستىرىلعان. بىلتىرعى جىلى مەملەكەتتىك تاپسىرىس بويىنشا سۋ ايدىندارىنا 54 ملن دانا باعالى بالىق تۇرلەرىنىڭ شاباعى جىبەرىلگەن.
