فوتو: تجم
مينيسترلىكتىڭ قاراماعىندا 436 ءورت ءسوندىرۋ دەپوسى بار. دەسەكتە, ەل اۋماعىن تولىقتاي ءورت ءسوندىرۋ قىزمەتىمەن قامتۋ ءۇشىن بۇل ازدىق ەتەدى. وڭىرلەرگە ءالى دە قوسىمشا 119 دەپو قاجەت.
وتكەن جىلى استانا, الماتى, شىمەنت قالالارىندا جانە الماتى, اتىراۋ, جامبىل, تۇركىستان, اقتوبە وبلىستارىندا 10 ءورت ءسوندىرۋ بولىمشەسى قۇرىلدى. جىل باسىنان بەرى اقمولا, قاراعاندى, پاۆلودار, الماتى, جامبىل جانە سولتۇستىك قازاقستان وبلىستارىندا امبەباپ قۇتقارۋ بولىمشەلەرى اشىلدى. ونىڭ ىشىندە استانادا ورنالاسقان ءورت ءسوندىرۋ دەپوسى جاڭا قۇرىلىس ۇلگىسى بويىنشا, تەز تۇرعىزىلاتىن مودۋلدىك تەحنولوگيالاردى پايدالانا وتىرىپ جۇزەگە اسىرىلعان العاشقى جوبالاردىڭ ءبىرى رەتىندە ەرەكشەلەنەدى. دەپونىڭ ىشىندە جۇمىس كابينەتتەرى, ديسپەتچەرلىك, وقۋ سىنىبى, دەمالىس بولمەسى جانە اس ءۇي ورنالاسقان. مۇنداي نىسانداردا ءورت سوندىرۋشىلەردىڭ جۇمىسىن الاڭسىز اتقارۋىنا, دايىندىق جۇرگىزۋىنە جانە تىنىعۋىنا تولىقتاي قولايلى جاعداي جاسالعان. وسىنداي زاماناۋي ءورت ءسوندىرۋ دەپولارى الداعى ۋاقىتتا ەلىمىزدىڭ وزگە قالالارىندا دا سالىناتىن بولادى.
بۇل مينيسترلىكتىڭ جۇيەلى جۇمىسىنىڭ جانە باسشىلىق قويعان مىندەتتەردى تىڭعىلىقتى ىسكە اسىرۋدىڭ ناتيجەسى.
