استانا. 12 اقپان. استانالىق «بارىس» حوككەي كومانداسى سىرت ايدىندا نوۆوكۋزنەتسكىلىك «مەتاللۋرگتان» (رەسەي) ويىن سوڭىنداعى بۋلليت ارقىلى جەڭىلدى. بۇل تۋرالى egemen.kz حابارلادى.
ويىننىڭ نەبارى 2-مينۋتىندا قوناقتار ەسەپ اشتى. كەۆين داللمەن مەن وسكارس بارتۋليس باستاعان شابۋىلعا نۇكتە قويىپ, كوك جولاقتىڭ بويىنان تاماشا سوققى جاساعان ولەگ كۆاشا كومانداسىن العا شىعاردى. كۆاشا ءۇشىن بۇل «بارىس» ساپىنداعى بيىلعى ماۋسىمنىڭ العاشقى شايباسى. وسى گولدان كەيىن «مەتاللۋرگتىڭ» باس جاتتىقتىرۋشىسى گەرمان تيتوۆ قاقپاشىسىن اۋىستىرىپ, رافاەل حاكيموۆتىڭ ورنىنا نيكيتا لوجكيندى شىعاردى.
ەسەپتە العا شىققان استانالىقتار ويىندى ءوز باقىلاۋلارىندا ۇستاپ, بىرنەشە جويقىن شابۋىلدار ۇيىمداستىردى. ءتىپتى, ەسەپتى ەسەلەيتىن دە تاماشا مۇمكىندىك بولعان ەدى. الايدا, قاقپاشىمەن بەتپە-بەت شىققان تالعات جايلاۋوۆقا ساتتىلىك جەتىسپەدى. ايدىن يەلەرى ۇزىلىسكە ءبىر مينۋت قالعان كەزدە عانا ەسەپتى تەڭەستىرۋگە مۇمكىندىك تاپتى. ميحايل پلوتنيكوۆتان پاس العان الەكساندر كوماريستىي «بارىس» قاقپاشىسى پاۆەل پولۋەكتوۆتان ايلاسىن اسىردى.
ەكىنشى كەزەڭ اسا تارتىستى وتكەنىمەن, تابلوداعى ەسەپ وزگەرگەن جوق. كەلەسى شەشۋشى كەزەڭدە اندرەي نازاروۆتىڭ شاكىرتتەرى بەلسەندى كورىندى. ءتىپتى 48-مينۋتتا نيكولاي انتروپوۆتان پاس العان رومان ستارچەنكو كومانداسىنىڭ ەكىنشى شايباسىن سوعىپ, «بارىس» تاعى دا العا شىقتى. ارادا ءۇش مينۋت وتكەندە نوۆوكۋزنەتسكىلىكتەر تارازى باسىن ەكىنشى رەت تەڭەستىردى. بۇل ساتتە «بارىس» ساپىنان نايدجەل دوۋس ەكى مينۋتتىق ايىپ ۋاقىتىمەن جازالانىپ, «مەتاللۋرگ» ويىنشى باسىمدىعىنا يە بولعانىن ايتا كەتەيىك. اتالعان گولدىڭ اۆتورى سەرگەي دوروفەەۆ.
نەگىزگى ۋاقىت 2:2 ەسەبىمەن اياقتالىپ, قارسىلاستار 5 مينۋتتىق قوسىمشا تايمعا جۇگىندى. دەگەنمەن, بۇل كەزەڭدە ەسەپ وزگەرمەي, جەڭىمپاز ويىن سوڭىنداعى بۋلليت ارقىلى انىقتالدى. ءبۋلليتتى «بارىس» ويىنشىلارى باستادى. العاش بولىپ رومان ستارچەنكو شايباعا جاقىندادى. الايدا, بۇل جەكپە-جەكتە «مەتاللۋرگ» قاقپاشىسى نيكيتا لوجكيننىڭ شەبەرلىگى باسىم بولدى. ءوز كەزەگىندە ايدىن يەلەرى ساپىنان امەريكالىق لەگيونەر كەيد فەيرچايلد پولۋەكتوۆتان وڭاي ايلاسىن اسىرىپ, كومانداسىن ويىن بارىسىندا العاش رەت ەسەپتە العا شىعاردى. وكىنىشكە قاراي, «بارىس» ساپىنان كونستانتين پۋشكارەۆ پەن نايدجەل دوۋس تا ستارچەنكونىڭ كەبىن قۇشىپ, ءوز مۇمكىندىكتەرىن پايدالانا المادى. سونىڭ ناتيجەسىندە, نوۆوكۋزنەتسكىلىك كوماندا جالپى ويىندا 3:2 ەسەبىمەن جەڭىسكە جەتتى.
«بارىس» ازىرگە 78 ۇپايمەن شىعىس كونفەرەنتسياسىنداعى 6-ورنىن ساقتاپ تۇر. وسى كونفەرەنتسياداعى باستى باسەكەلەسىمىز ۋفالىق «سالاۆات يۋلاەۆ» 77 ۇپايمەن وكشەمىزدى باسىپ كەلەدى. استانالىقتار قۇرلىقتىق حوككەي ليگاسىنداعى كەلەسى ويىنىن 13 اقپان كۇنى نوۆوسيبيرسكىنىڭ «سيبيرىنە» قارسى وتكىزەدى.
ايتا كەتەر جايت, قازىردىڭ وزىندە قۇرلىقتىق حوككەي ليگاسىنىڭ تۇراقتى چەمپيوناتىن جەڭىپ العان كوماندا بەلگىلى. سوڭعى ويىنىن سلوۆاكيالىق «سلوۆان» كومانداسىنا قارسى وتكىزگەن ماسكەۋلىك تسسكا قارسىلاستارىنىڭ قاقپاسىنا جاۋاپسىز 12 شايبا سوعىپ, رەكوردتى ەسەپپەن جەڭىسكە جەتتى. قحل تاريحىندا بۇرىن-سوڭدى 12:0 ەسەبى تىركەلمەگەن ەدى. پلەي-وفف ساتىسىنا دەيىن ءالى 6 تۋر قالعانىنا قاراماستان, ماسكەۋلىكتەر وسى جەڭىسىنەن كەيىن جالپى تۋرنير كەستەسىندە توپ جاردى. ولاردىڭ قورجىنىندا بۇگىندە 129 ۇپاي بار.
ەلامان قوڭىر.
دەرەك: egemen.kz.
سۋرەت: metallurg-nk.ru.
استانا. 12 اقپان. استانالىق «بارىس» حوككەي كومانداسى سىرت ايدىندا نوۆوكۋزنەتسكىلىك «مەتاللۋرگتان» (رەسەي) ويىن سوڭىنداعى بۋلليت ارقىلى جەڭىلدى. بۇل تۋرالى egemen.kz حابارلادى.
ويىننىڭ نەبارى 2-مينۋتىندا قوناقتار ەسەپ اشتى. كەۆين داللمەن مەن وسكارس بارتۋليس باستاعان شابۋىلعا نۇكتە قويىپ, كوك جولاقتىڭ بويىنان تاماشا سوققى جاساعان ولەگ كۆاشا كومانداسىن العا شىعاردى. كۆاشا ءۇشىن بۇل «بارىس» ساپىنداعى بيىلعى ماۋسىمنىڭ العاشقى شايباسى. وسى گولدان كەيىن «مەتاللۋرگتىڭ» باس جاتتىقتىرۋشىسى گەرمان تيتوۆ قاقپاشىسىن اۋىستىرىپ, رافاەل حاكيموۆتىڭ ورنىنا نيكيتا لوجكيندى شىعاردى.
ەسەپتە العا شىققان استانالىقتار ويىندى ءوز باقىلاۋلارىندا ۇستاپ, بىرنەشە جويقىن شابۋىلدار ۇيىمداستىردى. ءتىپتى, ەسەپتى ەسەلەيتىن دە تاماشا مۇمكىندىك بولعان ەدى. الايدا, قاقپاشىمەن بەتپە-بەت شىققان تالعات جايلاۋوۆقا ساتتىلىك جەتىسپەدى. ايدىن يەلەرى ۇزىلىسكە ءبىر مينۋت قالعان كەزدە عانا ەسەپتى تەڭەستىرۋگە مۇمكىندىك تاپتى. ميحايل پلوتنيكوۆتان پاس العان الەكساندر كوماريستىي «بارىس» قاقپاشىسى پاۆەل پولۋەكتوۆتان ايلاسىن اسىردى.
ەكىنشى كەزەڭ اسا تارتىستى وتكەنىمەن, تابلوداعى ەسەپ وزگەرگەن جوق. كەلەسى شەشۋشى كەزەڭدە اندرەي نازاروۆتىڭ شاكىرتتەرى بەلسەندى كورىندى. ءتىپتى 48-مينۋتتا نيكولاي انتروپوۆتان پاس العان رومان ستارچەنكو كومانداسىنىڭ ەكىنشى شايباسىن سوعىپ, «بارىس» تاعى دا العا شىقتى. ارادا ءۇش مينۋت وتكەندە نوۆوكۋزنەتسكىلىكتەر تارازى باسىن ەكىنشى رەت تەڭەستىردى. بۇل ساتتە «بارىس» ساپىنان نايدجەل دوۋس ەكى مينۋتتىق ايىپ ۋاقىتىمەن جازالانىپ, «مەتاللۋرگ» ويىنشى باسىمدىعىنا يە بولعانىن ايتا كەتەيىك. اتالعان گولدىڭ اۆتورى سەرگەي دوروفەەۆ.
نەگىزگى ۋاقىت 2:2 ەسەبىمەن اياقتالىپ, قارسىلاستار 5 مينۋتتىق قوسىمشا تايمعا جۇگىندى. دەگەنمەن, بۇل كەزەڭدە ەسەپ وزگەرمەي, جەڭىمپاز ويىن سوڭىنداعى بۋلليت ارقىلى انىقتالدى. ءبۋلليتتى «بارىس» ويىنشىلارى باستادى. العاش بولىپ رومان ستارچەنكو شايباعا جاقىندادى. الايدا, بۇل جەكپە-جەكتە «مەتاللۋرگ» قاقپاشىسى نيكيتا لوجكيننىڭ شەبەرلىگى باسىم بولدى. ءوز كەزەگىندە ايدىن يەلەرى ساپىنان امەريكالىق لەگيونەر كەيد فەيرچايلد پولۋەكتوۆتان وڭاي ايلاسىن اسىرىپ, كومانداسىن ويىن بارىسىندا العاش رەت ەسەپتە العا شىعاردى. وكىنىشكە قاراي, «بارىس» ساپىنان كونستانتين پۋشكارەۆ پەن نايدجەل دوۋس تا ستارچەنكونىڭ كەبىن قۇشىپ, ءوز مۇمكىندىكتەرىن پايدالانا المادى. سونىڭ ناتيجەسىندە, نوۆوكۋزنەتسكىلىك كوماندا جالپى ويىندا 3:2 ەسەبىمەن جەڭىسكە جەتتى.
«بارىس» ازىرگە 78 ۇپايمەن شىعىس كونفەرەنتسياسىنداعى 6-ورنىن ساقتاپ تۇر. وسى كونفەرەنتسياداعى باستى باسەكەلەسىمىز ۋفالىق «سالاۆات يۋلاەۆ» 77 ۇپايمەن وكشەمىزدى باسىپ كەلەدى. استانالىقتار قۇرلىقتىق حوككەي ليگاسىنداعى كەلەسى ويىنىن 13 اقپان كۇنى نوۆوسيبيرسكىنىڭ «سيبيرىنە» قارسى وتكىزەدى.
ايتا كەتەر جايت, قازىردىڭ وزىندە قۇرلىقتىق حوككەي ليگاسىنىڭ تۇراقتى چەمپيوناتىن جەڭىپ العان كوماندا بەلگىلى. سوڭعى ويىنىن سلوۆاكيالىق «سلوۆان» كومانداسىنا قارسى وتكىزگەن ماسكەۋلىك تسسكا قارسىلاستارىنىڭ قاقپاسىنا جاۋاپسىز 12 شايبا سوعىپ, رەكوردتى ەسەپپەن جەڭىسكە جەتتى. قحل تاريحىندا بۇرىن-سوڭدى 12:0 ەسەبى تىركەلمەگەن ەدى. پلەي-وفف ساتىسىنا دەيىن ءالى 6 تۋر قالعانىنا قاراماستان, ماسكەۋلىكتەر وسى جەڭىسىنەن كەيىن جالپى تۋرنير كەستەسىندە توپ جاردى. ولاردىڭ قورجىنىندا بۇگىندە 129 ۇپاي بار.
ەلامان قوڭىر.
دەرەك: egemen.kz.
سۋرەت: metallurg-nk.ru.
