پرەمەر-ءمينيستردىڭ ورىنباسارى – ۇلتتىق ەكونوميكا ءمينيسترى سەرىك جۇمانعارين مەملەكەتتىڭ ەكونوميكاداعى ۇلەسىن تومەندەتۋ, ورتا بيزنەستىڭ ءىجو-گە ۇلەسىن ارتتىرۋ بويىنشا جۇرگىزىلىپ جاتقان جۇمىس تۋرالى باياندادى. مەملەكەتتىڭ ەكونوميكاعا قاتىسۋىن تەك الەۋمەتتىك ماڭىزى بار جانە ستراتەگيالىق سەكتورلارمەن شەكتەۋ جوسپارلانىپ وتىر. باسەكەلەستىكتى قورعاۋ جانە دامىتۋ اگەنتتىگىنىڭ توراعاسى مارات وماروۆ باسەكەلەستىكتىڭ دامۋىن تەجەيتىن كەدەرگىلەردى جويۋ بويىنشا قابىلدانىپ جاتقان ءىس-شارالار تۋرالى ايتتى.
وتىرىس قورىتىندىسى بويىنشا مەملەكەتتىڭ قاتىسۋىمەن جەكەشەلەندىرۋگە, بىرىكتىرۋگە نەمەسە تاراتىلۋعا جاتاتىن 475 كاسىپكەرلىك سۋبەكت ءتىزىمى بەكىتىلدى. جۇمىس 2030 جىلعا دەيىن كەزەڭ-كەزەڭىمەن ىسكە اسىرىلادى. بۇل رەتتە كاسىپورىنداردىڭ جارتىسىنان كوبى 2025–2026 جىلدارعا ارنالعان ءىس-شارالار جوسپارىنا ەنگىزىلگەن.
پرەمەر-مينيستر جارلىقتىڭ بەلگىلەنگەن مەرزىمدە جۇزەگە اسىرىلۋى كەرەگىن باسا ايتتى.
