ماسەلەن, بىلتىر «فوليانت» باسپاسىنان تانىمال اقىن ابۋباكىر قايراننىڭ «بايتاق» اتتى كىتابى شىقتى. وندا اقىننىڭ ولەڭدەرىمەن قاتار, «سەمەي» جانە «ارزۋ» پوەمالارى جاريالانعان. «سەمەي» پوەماسىنىڭ «الاشوردا» اتتى ءبىر تاراۋى ءبىز ءسوز ەتكەن تاقىرىپقا ارنالسا, «ارزۋ» اتتى ليريكالىق پوەما تۇتاسىمەن الاش تاقىرىبىن ارقاۋ ەتىپتى.
2024 جىلى جارىق كورگەن تاعى ءبىر ەسسە فورماتىنداعى كىتاپ – بەلگىلى جازۋشى ديدار امانتايدىڭ «احمەت بايتۇرسىن ۇلى: ءتىل مۇراتى, بولمىس فيلوسوفياسى». بۇل دا وسى الاش تاقىرىبىنان تامىر تارتادى. وندا اقاڭنىڭ ەڭبەگى وي-زەردە, تانىم, پاراسات تۇرعىسىنان تالدانادى.
الاش تاقىرىبىن ارقاۋ ەتكەن تاعى ءبىر تۋىندى – 2025 جىلى شىققان جازۋشى قايسار ءالىمنىڭ «اتىلۋىن كۇتكەن التى كۇن» رومانى. وندا ءولىم جازاسىنا كەسىلگەن الاشورداشى سەيدازىم قادىرباي ءومىرىنىڭ سوڭعى ءساتى سۋرەتتەلەدى. ول – تورعاي وڭىرىندەگى الاشوردا قوزعالىسىنىڭ قايراتكەرى. الاشورداشىلار تۋرالى دەرەكتەردە, مىرجاقىپ دۋلات ۇلىنىڭ قىزى گۇلنار دۋلاتوۆانىڭ ەستەلىكتەرىندە ەسىمى ءجيى اتالادى.
وسىنداي الاش تاقىرىبىنداعى كوركەم جانە تانىمدىق دۇنيەلەردىڭ كوبەيە بەرۋىنە تىلەكتەسپىز.
