فوتو: ۆيدەودان الىنعان كادر
بۇل رەزونانس تۋدىرعان وقيعا قاڭتار ايىندا بولعان ەدى. سول كەزدە ەكى مەكتەپ وقۋشىسى اۋىر جاراقاتتارمەن, دەنەسىندەگى كۇيىك ىزدەرىمەن جانە سوققى بەلگىلەرىمەن شۇعىل تۇردە اۋرۋحاناعا جەتكىزىلگەن. بالالار مەكتەپكە بارماي قويعاننان كەيىن جاعداي اشكەرە بولدى.
تەرگەۋ بارىسىندا قورقىنىشتى جايتتار انىقتالدى. بالالاردىڭ ايتۋىنشا, اناسى ولاردى ۇنەمى ۇرىپ-سوعىپ, قورلاپ, ءتىپتى سۋعا باتىرىپ ولتىرۋگە ارەكەت جاساعان. سوتتا ايىپتالۋشى ءوز كىناسىن مويىنداپ, بالالارىنان كەشىرىم سۇراپ, ىستەگەن ىسىنە وكىنەتىنىن ايتتى. دەگەنمەن ول شىعارىلعان ۇكىمدى تىم قاتاڭ دەپ ەسەپتەيتىنىن جەتكىزدى. ايەلدىڭ سوزىنشە, ول مۇنداي ارەكەتتەرگە «اشۋعا بەرىلگەن ساتتەردە» بارعان.
بالالاردىڭ اكەسى سول ۋاقىتتا ەۋروپادا جۇمىس ىستەپ جۇرگەن. ايەل ونىڭ وتباسىعا قولداۋ كورسەتپەگەنىن دە مالىمدەدى. قازىر بالالار مەملەكەت قامقورلىعىنا الىنعان. ال ناۋرىز ايىندا ازاماتتىق سوت ايەلدىڭ اتا-انالىق قۇقىعىن شەكتەگەن بولاتىن.
شىمكەنت قالالىق قىلمىستىق ىستەر جونىندەگى اۋدانارالىق سوتىنىڭ سۋدياسى التىن بىلتەباي سوتتالۋشىنىڭ بالالارىن ەرەكشە قاتىگەزدىكپەن ازاپتاپ, ولارعا فيزيكالىق جانە پسيحولوگيالىق زارداپ كەلتىرگەنىن ايتتى. سۋديانىڭ سوزىنشە, بۇل ارەكەتتەردىڭ بارلىعى سوت بارىسىندا تولىق دالەلدەنگەن.
ايتا كەتەيىك, قىزىلوردا قالاسىندا قۇتقارۋشىلار تەرەزەدەن قۇلاپ كەتكەلى تۇرعان بالانى قۇتقارىپ قالدى.
اۋعانستانداعى اكەلەر بالالارىن ساتۋعا ءماجبۇر بولعان.
