فوتو: اشىق دەرەككوز
«قازجولعزي» (قازاقستان جول عىلىمي-زەرتتەۋ ينستيتۋتى) عالىمدارىنىڭ يننوۆاتسيالىق ازىرلەمەسى ءالسىز ءارى تۇراقسىز توپىراقتى نىعايتۋعا ارنالعان. سونداي-اق, جول جامىلعىسىنىڭ دەفورماتسياسى مەن شوگۋىنىڭ الدىن الۋعا مۇمكىندىك بەرەدى. سىناق بارىسىندا ينستيتۋت عالىمدارى ءۇش اي بويى تەلىم توپىراعىن زەرتتەپ, بارلىق قاجەتتى حيميالىق تالداۋلار مەن زەرتحانالىق ءىس جۇرگىزگەن.
بۇعان دەيىن بۇل قوسپا ەلىمىزدىڭ ءارتۇرلى كليماتتىق ايماقتارىندا ورنالاسقان ەكى پيلوتتىق نىساندا سىناقتان ءساتتى ءوتىپ, ءوز تيىمدىلىگىن دالەلدەگەن. ينستيتۋت ماماندارىنىڭ ايتۋىنشا, قازىرگى ۋاقىتتا قوسپالاردى ۋنيفيكاتسيالاۋ ساياساتى جۇزەگە اسىرىلىپ جاتىر. ءاربىر قۇرام ناقتى ءبىر توپىراق ءتۇرى مەن ايماقتىڭ ەرەكشەلىكتەرىنە بەيىمدەلىپ, جەتىلدەندىرىلۋى قاجەت.
«جۇمىس جاڭا ماتەريالداردى قولدانۋعا ارنالعان پيلوتتىق جوبا اياسىندا جۇرگىزىلىپ جاتىر. اتىراۋ وبلىسىنداعى توپىراقتىڭ تۇرلەرى ارالاس بولىپ كەلەدى. ولاردىڭ قاتارىندا سورتاڭ, سازداق جانە قۇمداق كەزدەسەتىنىن ەسكەرە وتىرىپ, قوسپانى قولدانباس بۇرىن ينستيتۋت عالىمدارى ءۇش اي بويى تەلىم توپىراعىن زەرتتەپ, بارلىق قاجەتتى حيميالىق تالداۋلار مەن زەرتحانالىق سىناقتاردى جۇرگىزدى. «QSmart-S» قوسپاسىن قولدانۋ بارىسىندا نورماتيۆتەردىڭ, تەحنولوگيانىڭ جانە ساپانىڭ ساقتالۋىن قامتاماسىز ەتۋ ءۇشىن ۋچاسكەدە ءبىزدىڭ وكىلىمىز تۇراقتى تۇردە باقىلاۋ جۇرگىزىپ وتىر», دەدى «قازجولعزي»-دىڭ جول-قۇرىلىس ماتەريالدارى جانە جاڭا تەحنولوگيالار دەپارتامەنتىنىڭ ديرەكتورى مەيرامگۇل قابدىعاليەۆا.
قوسپا وننان استام ءونىمدى قامتيتىن «QSmart» جەلىسىندەگى وتاندىق عىلىمي ازىرلەمەلەر سەرياسىنا كىرەدى. ولاردىڭ قاتارىندا قۇم بولشەكتەرىن تۇراقتى ءارى تىعىز شوگىندى قۇرىلىمعا اينالدىراتىن جاڭا «QSmart-K» كاتاليزاتورى دا بار. زەرتتەۋشىلەردىڭ ايتۋىنشا, بۇل تەحنولوگيا ەلىمىزدە بالاماسى جوق جانە توپىراقتى پايدالانۋ كەزىندە جەراستى سۋلارىمەن قۇمنىڭ شايىلىپ كەتۋىن بولدىرماي, نەگىزگى توسەم شوگۋىنىڭ الدىن الادى.
