فوتو: ۆيدەودان الىنعان كادر
وقيعا ءساۋىر ايىنىڭ باسىندا ورداباسى اۋدانى, ۇيالىجار اۋىلدىق وكرۋگى اۋماعىندا بولعان. جەلىدە تاراعان ۆيدەودا بەلگىسىز ايەل سيرەك كەزدەسەتىن گرەيگ قىزعالداعىن ج ۇلىپ جاتقانى كورسەتىلگەن. كەيىننەن پوليتسيا ونىڭ جەكە باسى مەن شىمكەنتتەن كەلگەنىن انىقتاعان.
قازىرگى ۋاقىتتا ايەلدەن ەلدەن كەتپەۋ جانە ءتيىستى ءتارتىپتى ساقتاۋ تۋرالى قولحات الىنعان. ول كىناسىن تولىق مويىنداعان.
ايتا كەتەيىك, ءىس بويىنشا سوت ساراپتاماسى تاعايىندالىپ, گۇلدەردىڭ راسىمەن قىزىل كىتاپقا ەنگەن تۇرگە جاتاتىنى انىقتالعان.
اتالعان ارەكەت قر قىلمىستىق كودەكسىنىڭ 339-بابىنىڭ 1-بولىگى بويىنشا قارالىپ جاتىر. بۇل باپ بويىنشا 3000 اەك-كە دەيىن ايىپپۇل (2025 جىلى شامامەن 12 ملن تەڭگە), 800 ساعات قوعامدىق جۇمىس نەمەسە 3 جىلعا دەيىن باس بوستاندىعىنان ايىرۋ جازاسى قاراستىرىلعان.
گرەيگ قىزعالداعى (Tulipa greigii) — قازاقستاندا, اسىرەسە تيان-شان مەن قاراتاۋ تاۋلارىندا وسەتىن ەرەكشە جانە سيرەك وسىمدىك. بۇل گۇل ەرتە كوكتەمدە (ساۋىردە) گۇلدەيدى. گۇلدەرى ءىرى, اشىق قىزىل نەمەسە قىزعىلت ءتۇستى, جاپىراقتارى كۇلگىن جولاقتارمەن كومكەرىلەدى. بيىكتىگى 20–40 سم, ديامەترى 15 سم-گە دەيىن جەتۋى مۇمكىن.
گرەيگ قىزعالداعى بىرنەشە ەلدىڭ قىزىل كىتابىنا ەنگىزىلگەن, سەبەبى تابيعي ورتادا جويىلىپ بارا جاتقان گۇلدەردىڭ تۇرىنە جاتادى. وعان مەكەندەۋ ورىندارىنىڭ بۇزىلۋى, ادامداردىڭ تىم كوپ جيناۋى جانە باياۋ تابيعي كوبەيۋى سەبەپ.
