مينسكىدەگى كەلىسسوز ءجۇرىپ جاتقانىنا جارتى تاۋلىكتەن استى

استانا. 12 اقپان. مينسكىدە «نورماند تورتتىگى» ليدەرلەرىنىڭ كەلىسسوز جۇرگىزىپ جاتقاندارىنا 12 ساعاتتان اسىپ كەتتى. بۇل تۋرالى ريا «نوۆوستي» حابارلادى. بەلارۋس استاناسىنداعى تاۋەلسىزدىك سارايىندا رەسەي, ۋكراينا, فرانتسيا جانە گەرمانيا مەملەكەتتەرىنىڭ ليدەرلەرى ۋكرايناداعى داعدارىستى رەتتەۋ ماسەلەسى بويىنشا ءوزارا كەلىسسوز جۇرگىزىپ جاتىر. مەملەكەت باسشىلارى بۇل كەزدەسۋدى كەشە كەشكە ماسكەۋ ۋاقىتىمەن 20:15 ساعاتتا شاعىن شەڭبەردە باستادى. اردا ەكى ساعات وتكەننەن كەيىن ولار بىرگە سۋرەتكە ءتۇسۋ ءۇشىن تىسقا شىقتا دا, قايتادان كەلىسسوزدى جالعاستىردى. كەلىسسوز بىروڭكەي «نورماند فورماتىندا» ءوتىپ جاتقان جوق. ليدەرلەر اراسىندا بىرەر مينۋتقا سىرتقا شىعىپ, تەلەفون ارقىلى سويلەسىپ تۇردى. باق مالىمەتتەرىنە قاراعاندا, كەلىسسوز بىتكەننەن كەيىن وعان قاتىسۋشى مەملەكەتتەر باسشىلارى جۋرناليستەر الدىندا تەك ءوز مالىمدەمەلەرىن جەتكىزىپ قانا قويا سالاتىن سياقتى. مۇندا ولار ەشقانداي سۇراقتارعا جاۋاپ بەرمەيدى. ساكەن مايلىباي. دەرەك, فوتو: ريا «نوۆوستي».