فوتو: سۋ رەسۋرستارى جانە يرريگاتسيا مينيسترلىگىنىڭ ءباسپاسوز قىزمەتى
The International Visitor Leadership Program حالىقارالىق الماسۋ باعدارلاماسى شەڭبەرىندە قازاقستان ماماندارى اقش-قا بارىپ, سۋ رەسۋرستارىن باسقارۋ جۇيەسىن جەتىلدىرۋ جولدارىن زەرتتەپ, ءبىر ايلىق وقۋدان ءوتىپ ەلگە ورالدى.
سونىمەن قاتار, سۋ سالاسىنىڭ 30 مامانى قحر-دا ەكى اپتاعا سوزىلعان بىلىكتىلىك ارتتىرۋ كۋرسىن اياقتادى. جىل سوڭىنا دەيىن قىتايعا 25 ادامنان تۇراتىن تاعى ءۇش توپتى جىبەرۋ كوزدەلىپ وتىر.
«تەحنولوگيا مەن تسيفرلاندىرۋدىڭ دامۋىنا بايلانىستى سۋ سالاسى ماماندارىن قايتا دايارلاۋعا دەگەن سۇرانىس ارتىپ وتىر. قحر-دا سۋ ينفراقۇرىلىمدارى جاقسى دامىعان ءارى وزىندىك ەرەكشەلىكتەرى بار جانە ولار سۋ سالاسىنداعى بىلىكتى مامانداردى دايىنداۋدىڭ ءتيىمدى ادىستەرىن قولدانادى. سوندىقتان قىتايدىڭ بۇل تاجىريبەسى ءبىزدىڭ سۋ ماماندارى ءۇشىن وتە پايدالى», دەدى سۋ رەسۋرستارى جانە يرريگاتسيا ۆيتسە-ءمينيسترى اسلان ابدرايموۆ.
بۇگىندە سالا مينيسترلىگى كۋرستار ۇيىمداستىرۋ بويىنشا باسقا دا ەلدەرمەن كەلىسسوزدەر جۇرگىزىپ جاتىر.
