شىعىس قازاقستاندا پارا العان پوليتسيا سوتتالدى

استانا. 12 اقپان. شىعىس قازاقستان وبلىسىندا 10 مىڭ تەڭگە كولەمىندە پارا العان بۇرىنعى جول پوليتسەيىنە قاتىستى سوت اياقتالىپ, ۇكىم شىقتى. بۇل تۋرالى Yk-avto.kz حابارلادى. وتكەن جىلدىڭ شىلدە ايىندا جول ساقشىسى ۆاز-2127 كولىگىن توقتاتىپ, وعان رۇقسات ەتىلمەگەن جەردە كولىك جۇرگىزگەنى ءۇشىن ايىپپۇل سالادى. الايدا, ايىپپۇلدىڭ 27 مىڭ تەڭگە ەكەنىن ەسكەرتكەن ول وزىنە 10 مىڭ تەڭگە ۇسىنسا, بۇل ءىستى جىلى جاۋىپ قوياتىنىن ايتقان. جۇرگىزۋشى جەكە كۋالىگىن جول پوليتسەيىنە قالدىرىپ, ۋادە ەتكەن 10 مىڭ تەڭگەنى الىپ كەلۋگە كەتەدى. وسىلايشا, ول بىردەن شقو ىشكى ىستەر دەپارتامەنتىنە بارىپ, بولعان وقيعانى باياندايدى. ال ءىىد قىزمەتكەرلەرى جۇرگىزۋشىگە جالعان اقشا مەن ديكتوفون ۇستاتىپ, جول پوليتسەيىن قاقپانعا تۇسىرۋگە كومەكتەسەدى. جول ساقشىسى پارانى دارەتحانا ىشىنە تاستاپ كەتۋدى بۇيىرعان سوڭ, جۇرگىزۋشى جالعان اقشانى سول جەردە قالدىرعان. ناتيجەسىندە, ءوزىنىڭ وڭاي ولجاسىن يەلەنبەك بولعان جول پوليتسەيى دارەتحانا ىشىندە قولعا ءتۇستى. سوت ءتارتىپ ساقشىسىن پارا العانى ءۇشىن ايىپتى دەپ تانىپ, ءۇش جىلعا باس بوستاندىعىنان ايىردى. ەندى سوتتالۋشى ايىبىن تۇزەتۋ كولونياسىندا وتەيتىن بولادى. جولدىباي بازار. دەرەك, سۋرەت: Yk-avto.kz.