كەڭەس وتىرىسىندا سوت اكىمشىلىگىنىڭ الماتى قالاسى, الماتى, اقمولا, تۇركىستان, قاراعاندى, جەتىسۋ, ۇلىتاۋ جانە اقتوبە وبلىستارى بويىنشا دەپارتامەنتتەرىنىڭ باسشىلارى ءبىر توقسان بويى جاساعان جۇمىستارىن باياندادى. ونىڭ ىشىندە ء ار وڭىرگە جاڭادان سوت عيماراتتارىن سالۋ, ينفراقۇرىلىم جۇرگىزۋ جانە سوتتاردىڭ جۇمىسىن ۇيىمداستىرۋدى جاقسارتۋ باعىتىندا قانداي شارالار قولعا الىنعانىن اتاپ ءوتتى.
جىل باسىنان بەرى اقتوبە وبلىسىنىڭ حرومتاۋ جانە قارعالى اۋداندىق سوتتارىندا عيماراتتى جوندەۋ جۇمىستارى اياقتالعان. ال شالقار اۋداندىق سوتىنىڭ عيماراتىنا كۇردەلى جوندەۋ جۇمىستارى باستالعان.
الماتى وبلىسىندا قىلمىستىق جانە مامانداندىرىلعان سوتىنىڭ, تۇركىستان وبلىسىنىڭ تۇلكىباس جانە تولەبي اۋداندارىندا اۋداندىق سوتتىڭ, سونداي-اق تاراز قالاسىنىڭ № 2 سوتىنىڭ سوت عيماراتتارىن قايتادان سالۋ ءۇشىن جوبالىق-سمەتالىق قۇجاتتاما مەملەكەتتىك ساراپتاماعا جىبەرىلگەن.
قر سوت اكىمشىلىگىنىڭ اتىراۋ جانە اقتوبە وبلىستارىنداعى دەپارتامەنتى باسشىلارىنىڭ ايتۋىنشا اتىراۋ قالاسىنىڭ № 2 سوتىنىڭ قۇرىلىس (كەڭەيتىلۋ) جوباسى, سونداي-اق اقتوبە وبلىسىنىڭ بايعانين, ىرعىز جانە تەمىر اۋداندىق سوتتارىنىڭ جوبالارى دايىن, تەك قارجىلاندىرۋدى كۇتىپ وتىر.
اقتوبە وبلىستىق سوتىنىڭ جانە پاۆلودار وبلىسىنىڭ ەرتىس جانە شارباقتى اۋداندىق سوتتارىنىڭ جوبالىق-سمەتالىق قۇجاتتارىن تۇزەتۋ مامىر ايىنىڭ سوڭىنا دەيىن اياقتالادى دەپ جوسپارلانعان.
كەڭەس بارىسىندا مەملەكەتتىك-جەكەمەنشىك ارىپتەستىك تەتىگى اياسىندا اقمولا وبلىسى بويىنشا دەپارتامەنتى وبلىستىق سوتىنىڭ ىرگەلەس اۋماعىنداعى اۋدانى 280 م² ەكى قاباتتى عيماراتتىڭ قۇرىلىسى باستالعانى ايتىلدى.
باتىس قازاقستان وبلىسىندا بايتەرەك اۋداندىق سوتىنىڭ عيماراتىنىڭ قۇرىلىسى دا مامىر ايىندا باستالادى.
سونىمەن قوسا, پرەزيدەنتتىڭ تاپسىرماسى اياسىندا قۇقىقتىق ساياسات تۇجىرىمداماسى مەن سۋديالاردىڭ IX سەزىنىڭ شەشىمدەرىنە سايكەس قاراعاندى جانە اقتوبە وبلىستارىندا سوتتاردى بىرىكتىرۋ بويىنشا دايىندىق جۇمىستارى جۇرگىزىلىپ جاتىر.
كەڭەس سوڭىنىدا قر سوت اكىمشىلىگىنىڭ باسشىسى ن.احمەتزاكيروۆ سوتتاردى جاڭعىرتۋ كەزىندە ءاربىر بيۋدجەتتىك شەشىم اشىق بولۋى كەرەكتىگىن, ال جوبالار ساپالى ءارى دەر كەزىندە جۇزەگە اسىرىلۋى تيىستىگىن اتاپ ءوتتى. ول سونداي-اق اۋماقتىق دەپارتامەنت باسشىلارىن قاراجاتتىڭ ماقساتتى جۇمسالۋىن جەكە باقىلاۋعا الىپ, سىبايلاس جەمقورلىققا قارسى ءىس-قيمىل شارالارىن جۇرگىزىپ, قوعامنىڭ سەنىمىن ارتتىرۋ ءۇشىن تۇرعىندارمەن جەدەل كەرى بايلانىس ورناتۋعا شاقىردى.
