سۋرەت: elordainfo.kz
شىنىندا دا, بۇرىن ديپلومدى تانۋ ءراسىمى ءبىراز ۋاقىت الاتىن. وعان جەكە ءوتىنىش پەن قاعاز قۇجاتىن جيناۋدى تالاپ ەتەتىن. ەندى بۇل قىزمەتتىڭ ءبارى ونلاين فورماتتا ىسكە اسادى. ءبىر جاعىنان, بۇل ءوتىنىشتى قاراۋ مەرزىمىن ەداۋىر قىسقارتادى.
دەگەنمەن قىزمەتتى پايدالانۋ ءۇشىن, بىرىنشىدەن – «eGov Mobile قوسىمشاسىندا» اۆتوريزاتسيادان ءوتۋ قاجەت, ەكىنشىدەن – «قىزمەتتەر» – ء«بىلىم» بولىمىندە «جوعارى جانە جوعارى وقۋ ورنىنان كەيىنگى ءبىلىم تۋرالى قۇجاتتاردى تانۋ» قىزمەتىن تاڭداۋ, ءۇشىنشىسى – ءوتىنىشتى تولتىرىپ, قاجەتتى قۇجاتتاردى تىركەپ, تولەم جاسايسىز, ءتورتىنشىسى – ءوتىنىشتى قول قويۋدىڭ قولجەتىمدى ءادىسىنىڭ بىرىمەن راستاۋ.
ءوتىنىش زاڭنامادا بەلگىلەنگەن مەرزىمدە قارالادى. ناتيجەسىندە, پايدالانۋشى ديپلومدى تانۋ تۋرالى ەلەكتروندىق قۇجاتتى الادى نەمەسە زاڭدا كوزدەلگەن نەگىزدەر بويىنشا جاۋاپ بەرىلەدى.
بۇل جاڭارتىلعان قىزمەت تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگىنىڭ مەملەكەتتىك كورسەتىلەتىن قىزمەتتەر كوميتەتى, «ۇلتتىق اقپاراتتىق تەحنولوگيالار» اق جانە عىلىم جانە جوعارى ءبىلىم مينيسترلىگىمەن بىرلەسىپ جۇزەگە اسىرىلىپ وتىر.
قايسار قۇسايىن
