الماتىدا جوعالعان 16 جاستاعى قىز تابىلماي جاتىر

استانا. 12 اقپان. الماتى قالاسىندا وسىدان 10 تاۋلىك بۇرىن جوعالعان 16 جاستاعى ايتولقىن ەرجان ىزدەستىرىلىپ جاتىر. بۇل تۋرالى «قازاقپارات» حابارلادى. «دوستار, 12.05.1998 جىلى تۋعان ايتولقىن ەرجان 2 اقپاندا الماتى قالاسىنداعى ۇيىنەن شىعىپ, قايتا ورالمادى. ول «سىمبات» كوللەدجىنە كەتكەن, وقۋدان كەيىن ونى ساعات 15.30-دا قوناەۆ جانە جىبەك جولى كوشەلەرى قيىلىسىنداعى ايالدامادا قۇربىلارى كورگەن. قۇربىلارىنىڭ سوزىنە قاراعاندا, ايتولقىن «ساياحاتقا» قاراي بەت العان», – دەلىنگەن حابارلامادا. ىزدەستىرىلىپ جاتقان قىزدىڭ بويى 165-168 سم., سىمباتتى, كوزى قوڭىر, شاشى يىققا دەيىن, قوڭىرلاۋ.  كۇلگىن كۋرتكا مەن قىزىل جولاعى بار جاسىل شاپكا (كيىمى فوتوداعىداي), قارا «ريۋكزاك», كوك «دجينسى» جانە قارا «ۋگگي» كيگەن. الدىن الا بولجام بويىنشا, قىز بازار اۋدانىندا جۇمىس ىستەيتىن  1996 جىلى تۋعان مۇرات ناۋرىزبەكوۆپەن كەزدەسۋگە كەتكەن. ونىمەن «درۋگۆوكرۋگ» الەۋمەتتىك جەلىسى ارقىلى تانىسقان كورىنەدى. بۇل وقيعاعا قاتىستى اقپاراتى بار ازاماتتاردى پايدالانۋشىلار 8 702 233 86 45 - ريتا (اناسى), 8 705 718 01 87, 8 777 355 89 70 - ازامات (اعاسى) نومەرلەرى بويىنشا ايتولقىننىڭ تۋىستارىمەن حابارلاسۋىن سۇرايدى. سونداي-اق, 102 - مەدەۋ اۋداندىق پوليتسيا ءبولىمى مەن مەدەۋ اۋداندىق پروكۋراتۋراسىنا (273-41-22 ) حابارلاسۋعى بولادى. جولدىباي بازار. دەرەك, سۋرەت: «قازاقپارات».