ەلىمىزدىڭ باسىم بولىگىندە تۇمان تۇسەدى

استانا. 12 اقپان. بۇگىن ەلىمىزدىڭ باسىم بولىگىندە تۇمان تۇسەدى, قار جاۋىپ, جەل تۇرادى. بۇل تۋرالى «قازاقپارات» حابارلادى. الماتى وبلىسىنىڭ كەي جەرلەرىندە تۇمان ءتۇسىپ, جەلدىڭ جىلدامدىعى سەكۋندىنا 15-20 مەترگە دەيىن جەتەدى. پاۆلودار وبلىسىندا دا ءدال وسىنداي جىلدامدىقپەن جەل سوعىپ, بۇرقاسىن بولادى. سونداي-اق اقمولا وبلىسىندا دا كۇندىز وسىنداي جىلدامدىقپەن جەل سوعىپ, تۇندە جانە تاڭەرتەڭ تۇمان تۇسەدى. قاراعاندى مەن جامبىل وبلىستارىندا دا تۇمان تۇسەدى دەپ بولجانۋدا, سونداي-اق قوس وبلىستا دا كوكتايعاق بولۋى ىقتيمال. ال قاراعاندى وبلىسىنىڭ كەي وڭىرلەرىندە بوران سوعادى. وڭتۇستىك قازاقستان وبلىسىندا سەكۋندىنا 15-20 مەتر جىلدامدىقپەن جەل تۇرادى. قىزىلوردا وبلىسىندا تۇمان ءتۇسىپ, كوكتايعاق بولادى. ماڭعىستاۋ, اتىراۋ, باتىس قازاقستان مەن اقتوبە وبلىستارىندا تۇمان تۇسەدى. قوستاناي وبلىسىندا سەكۋندىنا 18 مەتر جىلدامدىقپەن جەل سوعىپ, تاڭەرتەڭ جانە تۇندە تۇمان بولادى دەپ كۇتىلۋدە. سولتۇستىك قازاقستان وبلىسىنىڭ دا كەي جەرلەرىندە تۇمان تۇسەدى, كۇندىز بوران بولىپ, جەلدىڭ جىلدامدىعى سەكۋندىنا 15-20 مەترگە دەيىن جەتەدى. شىعىس قازاقستان وبلىسىنىڭ كەي اۋداندارىندا كوكتايعاق بولادى, جەلدىڭ ەكپىنى سەكۋندىنا 17-22 مەرتگە جەتىپ, بوران سوعادى. ايدار ورىسباەۆ. دەرەك: «قازاقپارات». سۋرەت: diapazon.kz.