جەكە ءىسىن باستاعان ەڭبەكقور ازامات اۋىل شارۋاشىلىعىنىڭ دامۋىنا دا ۇلەس قوسىپ ءجۇر.
– قۇس شارۋاشىلىعىمەن اينالىسىپ كەلە جاتقانىمىزعا بەس جىلدان استى. قازىر قورادا قاز, ۇيرەك, كۇركەتاۋىق, تاۋىق اسىراپ وتىرمىز. بالاپانداردى ينكۋباتور ارقىلى شىعارامىز. ارقايسى ءارتۇرلى ۋاقىتتا شىعادى. ونىمدەرىمىزدى اۋداندىق جانە وبلىستىق جارمەڭكەلەرگە ساتامىز. كوبىنەسە تۇراقتى تۇتىنۋشىلارىمىز بار. تاپسىرىسپەن جىبەرىپ وتىرامىز. ياعني, ەت پەن جۇمىرتقا ونىمدەرىن ساۋدالايمىز. سۇرانىس كۇن سايىن ارتىپ كەلەدى. كەيدە ۇلگەرمەي قالامىز, – دەيدى ەدىلحان نۇرعاليەۆ.
قۇس شارۋاشىلىعىن مال شارۋاشىلىعىنان قيىن ەمەس دەگەنىمەن, ونىڭ دا وزىندىك اۋرەسى بار كورىنەدى. جەم-سۋىن سالىپ, ۋاقىتىلى ەكپەسىن الادى.كاسىپكەر الداعى ۋاقىتتا جۇمىس كولەمىن ۇلعايتۋدى جوسپارلاپ وتىر.
وسى ورايدا اۋدان اكىمى سەرىك جەڭىس ۇلى وكرۋگ اكىمدەرىنە ءار اۋىلداعى كاسىپكەرلەرگە قولداۋ كورسەتۋ كەرەكتىگى تۋرالى تاپسىرمالار بەرىپ, ونىمدەرىن ساۋدالاۋعا جول اشۋ كەرەكتىگىن قاداپ ايتقان بولاتىن.
شىعىس قازاقستان وبلىسى
