مايدان دالاسىنان ورالماعان بوزداقتار ەلدە قالعان بالالارىنىڭ ماڭگىلىك ساعىنىشىنا اينالدى. ال قان مايداننان امان كەلگەن جاۋىنگەرلەر ەلدىڭ ەڭسەسىن تىكتەۋگە بەلسەنە ارالاستى. سوعىستا شىڭدالعان قايسار مىنەز بەن ەڭبەككە دەگەن شىنايى ىقىلاس ولاردىڭ ءاربىر ىسىنەن كورىنىس تاپتى. ولار ۇرپاق ءوسىردى, بالالارىنا وتانسۇيگىشتىك پەن ادالدىق ۇلگىسىن كورسەتتى. تىرشىلىكتىڭ قاي سالاسىندا بولسىن – ەگىن باسىندا دا, ءبىلىم وردالارىندا دا, ءوندىرىس وشاقتارىندا دا مايدانگەرلەردىڭ تاباندى ەڭبەگى ەلدىڭ دامۋىنا سەرپىن بەردى.
قازىرگى ۇرپاق اسقاق, ادال ەڭبەكتى تۋ ەتكەن سول قاھارمان اتالارعا قارىزدار. بۇگىنگى نومىرىمىزدە ءبىز سونداي تاعىلىمعا تولى تاعدىرلار, مايدانگەر اكەلەر مەن ولاردىڭ ءومىر جولىن جالعاعان ۇرپاق جونىندە سىر شەرتەمىز.
