كەزدەسۋ بارىسىندا ساياسي ديالوگتەردى نىعايتۋ, ساۋدا-ەكونوميكالىق بايلانىستاردى كەڭەيتۋ, كولىكتىك ءوزارا بايلانىستى دامىتۋ, سىن-تەگەۋرىندەر مەن قاۋىپ-قاتەرلەرمەن بىرلەسە كۇرەسۋ, سونداي-اق وڭىردەگى ورنىقتى دامۋ مەن ەكولوگيالىق قاۋىپسىزدىك ماسەلەلەرىنە باستى نازار اۋدارىلدى. ورتالىق ازيانىڭ قىتايمەن ءوزارا سىيلاستىق پەن تەڭدىك قاعيداتتارىندا كوپجاقتى ءوزارا ءىس-قيمىلىنىڭ ارحيتەكتۋراسىن جاقسارتۋ جونىندەگى ۇسىنىستار تالقىلاندى.
قازاقستان سىرتقى ىستەر ءمينيسترى مۇرات نۇرتىلەۋ ءسوز العاندا وڭىردەگى تۇراقتىلىقتى قامتاماسىز ەتۋ ءۇشىن شەشۋشى سالالارداعى ىنتىماقتاستىقتى ودان ءارى كەڭەيتۋ قاجەتتىگىنە نازار اۋدارا وتىرىپ, «ورتالىق ازيا – قىتاي» كوپجاقتى فورماتىن نىعايتۋدىڭ ماڭىزىن اتاپ ءوتتى.
«فورماتىمىزدىڭ «ورتالىق ازيا +» تەتىكتەرى اراسىندا فلاگمانعا اينالۋى, ال كوشباسشىلاردىڭ الداعى كەزدەسۋى ماڭگىلىك دوستىق پەن وركەندەۋدىڭ جاڭا كەزەڭىنە قادام باسۋ ءۇشىن بارلىق جاعداي جاسالىپ جاتىر», دەدى م.نۇرتىلەۋ.
وتىرىسقا قاتىسۋشىلار قازىرگى جاھاندىق جاعدايدا سىندارلى ديالوگتەردى جالعاستىرۋدىڭ, بەزبەندەلگەن بايلانىستاردى دامىتۋ مەن باسىم باعىتتار بويىنشا كۇش-جىگەردى ۇيلەستىرۋدىڭ ماڭىزدىلىعىنا نازار اۋدارىپ, وسى فورماتتاعى تۇراقتى كەزدەسۋلەرگە دايىن ەكەنىن ءبىلدىردى.
جابىق فورماتتاعى كەزدەسۋ سوڭىندا سىرتقى ىستەر مينيسترلەرى اقپاراتتىق كومميۋنيكەنى قابىلدادى, وندا «ورتالىق ازيا – قىتاي» فورماتى شەڭبەرىندە تاتۋ كورشىلىك, ورنىقتى دامۋ جانە كوپجاقتى ءوزارا ءىس-قيمىلدى تەرەڭدەتۋ قاعيداتتارىنا ورتاق مىندەتتەمە بەكىتىلگەن.
الماتى
