اسسامبلەيا ەلىمىزدەگى ەتنوسارالىق تاتۋلىق پەن كەلىسىمنىڭ وتاندىق مودەلىن قالىپتاستىرىپ, الەمگە ۇلگى بولارلىق دەڭگەيگە جەتتى. بۇل – ۇلكەن مارتەبە. ەندى وسىنى جەتىلدىرۋىمىز كەرەك. ول ءۇشىن ەتنوسارالىق قاتىناستارعا ەرەكشە نازار اۋدارۋ قاجەت. جاڭاشا ءتاسىل زەرتتەۋلەرگە سۇيەنىپ جۇرگىزىلۋگە ءتيىس.
قوعام ارتەكتى. كەيدە بازبىرەۋلەر بىرلىگىمىزگە كوز الارتىپ قارايدى. ەلدەگى تاتۋلىقتى بۇزاتىن, ەتنوسارالىق قارىم-قاتىناسقا سىزات تۇسىرەتىن كەز كەلگەن ارەكەت زاڭ اياسىندا قاتال جاۋاپكەرشىلىككە تارتىلاتىنىن مەملەكەت باسشىسى ناقتى ايتتى. بۇل ءسوز مەنى ەرەكشە قۋانتتى. سەبەبى ءبىز, ارداگەرلەر, كوپ جىل بويى بىرلىك پەن كەلىسىمدى ساقتاۋ ءۇشىن قاجىرلى ەڭبەك ەتتىك. قازىر دە ءار كەزدەسۋ نە جيىن بولسىن, جاستارعا, جالپى قوعامعا «زاڭ مەن ءتارتىپ» قاعيداتىن قاتال ۇستانۋعا ۇندەيمىن. ويتكەنى ەلدەگى تىنىشتىقتى, دوستىقتى ساقتاۋ – ءار ازاماتتىڭ جاۋاپكەرشىلىگى.
مەن قازاقستان حالقى اسسامبلەياسىنىڭ ارداگەرى رەتىندە بولاشاقتا ەلىمىزدىڭ بىرلىگىن, تاتۋلىعىن ساقتاۋعا باعىتتالعان بارلىق باستامانى قولدايمىن. بىرلىكتىڭ ارقاسىندا ەلىمىزدىڭ ەكونوميكاسى ورلەيدى, الەۋمەتتىك تۇراقتىلىق ارتادى. بۇل – ومىردەن الىنعان اقيقات.
يكرام حاشيمجانوۆ,
«دۋستليك» وزبەك ەتنومادەني بىرلەستىكتەرى قاۋىمداستىعىنىڭ توراعاسى
