الماتىدا ۇشاق توناۋشىلار ۇستالدى

استانا. 12 اقپان. الماتى قالاسىنداعى جەلىلىك پوليتسيا ءبولىمىنىڭ قىزمەتكەرلەرى الماتى اۋەجايىندا ۇرلىق جاساعان شەتەلدىك ەكى ترانزيتتىك جولاۋشىنى قولعا ءتۇسىردى. بۇل تۋرالى nur.kz حابارلادى. ولار ۇشاق بورتىندا 2 ۇيالى تەلەفون مەن ءىرى كولەمدە اقشا ۇرلاعان. ۇستىمىزدەگى جىلدىڭ 10 اقپانىندا جەلىلىك پوليتسيا بولىمىنە الماتى قالاسىنىڭ تۇرعىنى شاعىمدانىپ كەلەدى. ول پەكين-الماتى باعىتىنداعى رەيستىڭ ۇشۋ كەزىندە اۋە كەمەسىنىڭ بورتىندا قول جۇگىنەن 3 مىڭ اقش دوللارى جانە 3 مىڭ يۋان مەن ەكى ۇيالى تەلەفونى ۇرلانعاندىعىن جانە ونى ۇيىنە كەلگەن سوڭ عانا بىلگەنىن ايتقان. قولدانىلعان شارا بارىسىندا الماتى قالاسى حالىقارالىق اۋەجايىنىڭ ترانزيتتىك زوناسىندا ءارى قاراي دۋباي قالاسىنا جەتۋ ءۇشىن قالعان جولاۋشىلاردى تەكسەرۋ كەزىندە پوليتسەيلەر «قىلمىس جاسادى» دەگەن كۇدىكپەن شەتەلدىك ەكى ترانزيتتىك جولاۋشىنى انىقتادى. كۇدىكتىلەر سىرتقى ىستەر مينسترلىگى ءتيىستى قۇجاتتاردى راسىمدەگەن سوڭ شەكارا قىزمەتى ارقىلى ترانزيتتىك ايماقتان شىعارىلدى. ىشكى ىستەر ورگاندارى قىزمەتكەرلەرىنىڭ ءارى قاراي تەكسەرۋى كەزىندە اقشالاي قاراجاتتار مەن ۇيالى تەلەفوندار تابىلىپ, تاركىلەندى. كۇدىكتىلەر قپك-ءنىڭ 128-بابىنا سايكەس الماتى قالالىق ءىىد-ءنىڭ ۋاقىتشا ۇستاۋ يزولياتورىنا قامالدى. قازىرگى ۋاقىتتا كولىكتەگى ءىىد مەن الماتى قالاسى اۋەجايىنىڭ جپب-ءنىڭ ارنايى جەدەل-تەرگەۋ توبى جولاۋشىلاردىڭ قول جۇگىنەن اقشالاي قاراجات ۇرلاۋعا قاتىستى قىلمىستى اشۋ جانە ۇستالعان ازاماتتاردىڭ اشىلماعان باسقا دا قىلمىستارعا قاتىستىلىعىن انىقتاۋ ماقساتىندا جان-جاقتى تەرگەۋ امالدارى مەن جەدەل-ىزدەستىرۋ شارالارىن جۇرگىزۋدە. جولدىباي بازار. دەرەك, سۋرەت: nur.kz.