استانادا ءوزىن جارىپ جىبەرگەن اسكەريگە قاتىستى تىڭ دەرەك شىقتى

استانا. 12 اقپان. استانادا ءوزىن جارىپ جىبەرگەن پودپولكوۆنيكتىڭ ولىمىنە قاتىستى العاشقى ايعاقتار انىقتالدى. بۇل تۋرالى gazeta.kz حابارلادى. ارمان سىزدىقوۆ باسشىلارىنىڭ قىسىمىنا شىداي الماي وزىنە قول جۇمساعان. مارقۇمنىڭ اقىرعى حاتىندا اتى اتالعان ەكى اسكەريدىڭ قىزمەتتەگى ادامدار ەكەنىن قورعانىس ءمينيسترىنىڭ ءوزى راستادى. قازىر وقيعاعا قاتىستى تەرگەۋ جالعاسۋدا. پوليتسەيلەر مارقۇممەن بىرگە جۇمىس ىستەگەن ارىپتەستەرىنەن تۇگەل جاۋاپ الىپ جاتىر. استانادا قورعانىس مينيسترلىگىنىڭ لاۋازىمدى قىزمەتكەرى تۋرا جۇمىس ورنىنىڭ الدىندا ءوزىن جارىپ جىبەرگەن بولاتىن. ارمان سىزدىقوۆ سول جەردە جان ءتاسىلىم ەتتى. وفيتسەر اقىرعى حاتىندا ەكى باسشىسىنان قاتتى قىسىم كورگەنىن, ابدەن نامىسىنا تيگەنىن جازعان. ءوزىن-ءوزى جارىپ جىبەرگەن 40 جاستاعى پودپولكوۆنيك قورعانىس مينيسترلىگىنىڭ اقپاراتتاندىرۋ جانە تەلەكوممۋنيكاتسيا باسقارماسىندا ىستەگەن ەكەن. مارقۇمنىڭ ارتىندا ايەلى جالعىز ۇلى قالدى. جولدىباي بازار. دەرەك: gazeta.kz. سۋرەت: news.nur.kz.