فوتو: اشىق دەرەككوز
دەپۋتات پرەمەر-ءمينيستردىڭ ءبىرىنشى ورىنباسارى رومان سكليار مەن ۆيتسە-پرەمەر ەرمەك كوشەرباەۆقا ساۋال جولداپ, بالالاردىڭ ينتەرنەتكە تاۋەلدىلىگى ماسەلەسىن كوتەردى. ونىڭ ايتۋىنشا, ەلىمىزدەگى بالالاردىڭ 88%-ىندا جەكە سمارتفون بار, ال 28%-ى بوس ۋاقىتىن تۇگەلدەي گادجەتتە وتكىزەدى.
امانتاي ۇلى شەتەل تاجىريبەسىن مىسالعا كەلتىرىپ, قىتاي, فرانتسيا, وڭتۇستىك كورەيا سەكىلدى ەلدەردە بالالاردىڭ سمارتفون قولدانۋىنا شەكتەۋلەر ەنگىزىلگەنىن اتاپ ءوتتى.
وسىعان بايلانىستى دەپۋتات ارنايى ۆەدومستۆوارالىق توپ قۇرىپ, الەۋمەتتىك جەلىلەر مەن ونلاين ويىندار بويىنشا جاس شەكتەۋلەرىن ازىرلەۋدى ۇسىندى. سونىمەن قاتار اتا-انالاردىڭ بالالارىنىڭ ينتەرنەتتەگى ءىس-ارەكەتىن باقىلاۋعا مۇمكىندىك بەرەتىن مەملەكەتتىك باقىلاۋ جۇيەسىن قۇرۋ قاجەتتىگىن ايتتى.
ايتا كەتەيىك, بۇعان دەيىن ءماجىلىس دەپۋتاتى جاناربەك ءاشىمجان دا TikTok-تاعى زياندى كونتەنتتەرگە شەكتەۋ قويۋدى ۇسىنعان بولاتىن.
