بۇگىنگى تاڭدا زەرتحانا عيماراتىنىڭ قۇرىلىس-مونتاج جۇمىستارى اياقتالىپ, قاجەتتى جابدىقتار جەتكىزىلگەن. جوباعا ۇستىمىزدەگى جىلى وبلىستىق بيۋدجەتتەن 800 ميلليون تەڭگەدەن استام قاراجات ءبولىندى. جاڭا نىساندى ىسكە قوسقان كەزدە وبلىس ورتالىعى تۇرعىندارىنىڭ اۋىز سۋعا دەگەن سۇرانىسى تولىق قاناعاتتاندىرىلماق. اۋىز سۋ شاعالالى سۋ قويماسىنان الىنادى. ەندى تۇيتكىلدى ماسەلە تۋرالى ءتۇيىنىن تارقاتىپ ايتا كەتەلىك.
مەردىگەر ۇيىم جۇمىستى مامىر ايىنا دەيىن اياقتايمىز دەپ ۋادە بەرگەن. قالا باسشىلارى دا تازا سۋعا قارىق بولاسىزدار دەگەن ۋادەلى ءسوزىن ايتقان. الايدا, كەسىلگەن مەرزىم ماۋسىم ايىنا شەگەرىلدى. شاعالالى سۋ قويماسىنان الىناتىن سۋدىڭ ءبىر تەكشە مەترى 2 تەڭگە بولسا, سەرگەەۆ سۋ قويماسىنان الىناتىن سۋدىڭ قۇنى 312 تەڭگەنى قۇرايدى. باعا ايىرماشىلىعى قويمالاردىڭ قاشىقتىعىنا بايلانىستى.
تاياۋدا وبلىس اكىمى مارات احمتجانوۆ جوبا 1 ماۋسىمعا دەيىن اياقتالماسا, مەردىگەر ۇيىم «Caspian Contractors Trust» جاۋاپكەرشىلىگى شەكتەۋلى سەرىكتەستىگىن اي سايىن شامامەن 135 ميلليون تەڭگە كولەمىندە شىعىن ايىرماسىن تولەۋگە مىندەتتەدى.
كوكشەتاۋ.
