تجم مالىمەتىنە سۇيەنسەك, تىكۇشاق جوسالى اۋىلىنان ناۋقاس بالانى قىزىلوردا قالاسىنا الىپ كەلدى. بالانى سانيتارلىق اۆياتسيانىڭ مەديتسينالىق بريگاداسى بىرگە الىپ ءجۇردى.
تجم ماماندارىنىڭ ايتۋىنشا, اۋە ترانسپورتى ەلدىڭ الىس ايماقتارىنداعى پاتسيەنتتەردى شۇعىل جەتكىزۋدىڭ ەڭ جىلدام ءارى ءتيىمدى تاسىلدەرىنىڭ ءبىرى بولىپ سانالادى. بۇل جولى دا ۇشۋ ەش قيىندىقسىز وتكەن. پيلوتتار مەن دارىگەرلەر ءوز مىندەتتەرىن كاسىبي دەڭگەيدە ورىنداپ, بالانى جانە ونىڭ اناسىن امان-ەسەن وبلىستىق مەديتسينالىق مەكەمەگە جەتكىزدى.
ۆەدومستۆو وكىلدەرى توتەنشە جاعدايلار مەن شۇعىل شاقىرتۋلار كەزىندە تجم مەن سانيتارلىق اۆياتسيا قىزمەتكەرلەرى ارقاشان دايىن ەكەنىن جانە پاتسيەنتتەردىڭ قاۋىپسىزدىگىن قامتاماسىز ەتۋدە بارلىق شارالار قولدانىلاتىنىن اتاپ ءوتتى.
