فوتو: EPA
BBC ءتىلشىسى سارا رەينسفورد اتاپ وتكەندەي, پاپا فرانتسيسك يتالياداعى تۇرمەلەرگە ءجيى بارعان, سوندىقتان كەيبىر تۇتقىننىڭ جەرلەۋ راسىمىنە قاتىسۋى ءۇشىن ارنايى شارالار قابىلدانعان.
جەرلەۋ راسىمىنە كوپتەگەن جاس كاتوليك تە باردى.
— ءبىز كىلەمشەلەر مەن ۇيىقتاۋ قاپتارىن الىپ, وسىندا 400 ادام بولىپ تۇنەدىك, — دەدى الاڭعا ءبىرىنشى بولىپ كىرۋگە تىرىسقان 22 جاستاعى جان-باتيست لەكلەزيو AFP-كە بەرگەن سۇحباتىندا.
ريمگە پاپا فرانتسيسكتىڭ جەرلەۋ راسىمىنە كوپتەگەن الەمدىك كوشباسشى باردى, ولاردىڭ قاتارىندا ۋكراينا پرەزيدەنتى ۆلاديمير زەلەنسكي جۇبايى ەلەنامەن جانە اقش پرەزيدەنتى دونالد ترامپ جۇبايى مەلانيامەن بولدى.
زەلەنسكيدىڭ ۇشاعى جەرگىلىكتى ۋاقىت بويىنشا تاڭعى 07:00-دە ريمگە قوندى.
سونداي-اق ۆاتيكانعا اقش-تىڭ بۇرىنعى پرەزيدەنتى دجو بايدەن جۇبايى دجيللمەن باردى.
