ماۋلەن اشىمباەۆ كوڭىل ايتۋ كىتابىنا جازبا قالدىرىپ, پونتيفيكتىڭ ادىلەتتىلىك پەن مەيىرىمدىلىك قاعيداتتارىن دارىپتەۋگە جانە دىندەر مەن مادەنيەتتەر اراسىنداعى ديالوگتى دامىتۋعا ۇلكەن ۇلەس قوسقانىن اتاپ ءوتتى. سونداي-اق سەنات سپيكەرى ريم پاپاسى فرانتسيسكتىڭ 2022 جىلى استاناعا جاساعان اپوستولدىق ساپارى جانە الەمدىك جانە ءداستۇرلى دىندەر كوشباسشىلارىنىڭ VII سەزىنە قاتىسۋى تاريحي وقيعاعا اينالعانىنا نازار اۋداردى.
پالاتا توراعاسى نۋنتسيمەن سۇحبات بارىسىندا پونتيفيك قازاقستاندى «ارالۋاندىقتا ءبىر-ءبىرىن تىڭداپ, قۇرمەتتەيتىن كەزدەسۋلەر ەلى» دەپ اتاعانىن تىلگە تيەك ەتىپ, ونىڭ ءبىزدىڭ ەل تۋرالى ايتقان سوزدەرىن وتانداستارىمىز ءاردايىم ەرەكشە ىقىلاسپەن ەسكە الاتىنىن جەتكىزدى.
ايتا كەتەيىك, بۇعان دەيىن قازاقستان پرەزيدەنتى قاسىم-جومارت توقاەۆ ريم پاپاسى فرانتسيسكتىڭ قايتىس بولۋىنا بايلانىستى كوڭىل ايتتى. مەملەكەت باسشىسى پونتيفيكتى گۋمانيزمنىڭ, ادىلەتتىلىكتىڭ جانە مەيىرىمنىڭ ىزگى مۇراتتارىن ىلگەرىلەتۋگە ولشەۋسىز ۇلەس قوسقان اسا كورنەكتى رۋحاني تۇلعا جانە بەيبىتشىلىكتىڭ ۇلى جاقتاۋشىسى ەكەنىن ايتقان ەدى.
