كۇردەلى قۇپياسوزدەردى قولدانىڭىز. ادام ەسىمى, تۋعان كۇنى سىندى قاراپايىم قۇپياسوزدەر – قاسكويلەر ءۇشىن وڭاي ولجا. قاۋىپسىزدىك ماقساتىندا كەلەسى كەڭەستەردى ۇستانىڭىز:
- قۇپياسوز كەمىندە 12 تاڭبادان تۇرۋى كەرەك;
- باس جانە كىشى ارىپتەردى, سان مەن ارنايى بەلگىلەردى ارالاستىرىڭىز;
- ءبىر قۇپياسوزدى بىرنەشە قوسىمشادا قولدانباڭىز.
- قۇپياسوزدى 6 اي سايىن وزگەرتىپ وتىرىڭىز.
ەكى فاكتورلى اۋتەنتيفيكاتسيانى قوسىڭىز. بۇل – قوسىمشا قورعانىس دەڭگەيى. ول ءسىزدىڭ اككاۋنتىڭىزعا كىرۋ ءۇشىن قۇپياسوزدەن بولەك, SMS نەمەسە Google Authenticator سەكىلدى قولدانبادان الىناتىن ءبىر رەتتىك كودتى ەنگىزۋدى تالاپ ەتەدى.
حاتتار مەن سىلتەمەگە مۇقيات بولىڭىز. فيشينگ – دەرەكتەردى ۇرلاۋدىڭ ەڭ كەڭ تارالعان ءادىسىنىڭ ءبىرى. الاياقتاردى قالاي تانۋعا بولادى؟
- جىبەرۋشىنى تەكسەرىڭىز – كۇماندى مەكەنجاي مەن ءارىپ قاتەلەرى (مىسالى, @gmail.com ورنىنا @gma1l.com) الاياقتىقتىڭ بەلگىسى بولۋى مۇمكىن.
- كۇدىكتى حاتتارداعى سىلتەمەگە وتپەڭىز, بەيتانىس فايلداردى جۇكتەمەڭىز.
باعدارلامالىق جاساقتامانى ۇنەمى جاڭارتىپ وتىرىڭىز. وپەراتسيالىق جۇيەنىڭ, براۋزەرلەردىڭ جانە قولدانبالاردىڭ جاڭارتۋلارى حاكەرلەر پايدالانا الاتىن وسال تۇستاردى انىقتاۋعا كومەكتەسەدى. سوندىقتان جاڭارتۋلاردى كەيىنگە قالدىرماڭىز.
انتيۆيرۋس قولدانىڭىز. انتيۆيرۋس قاۋىپتى فايلداردى انىقتايدى.
اشىق Wi-Fi جەلىلەرىن قولدانباڭىز. كافەلەر مەن قوعامدىق ورىنداعى تەگىن ينتەرنەت جەلىلەرى كوبىنە قورعالمايدى.
تسيفرلىق قاۋىپسىزدىك – ءبىر رەتتىك ارەكەت ەمەس, كۇندەلىكتى داعدى بولۋى ءتيىس. قاراپايىم تسيفرلىق گيگيەنا ەرەجەلەرىن ساقتاۋ دەرەكتەرىڭىزدى, قارجىڭىزدى جانە جەكە اقپاراتىڭىزدى كيبەرقىلمىسكەردەن قورعاۋعا كومەكتەسەدى.
