سۋرەت: inbusiness.kz
توپ وتىرىسىنا كولىك پروكۋراتۋراسىنىڭ, كولىك, ىشكى ىستەر مينيسترلىكتەرىنىڭ, تەحنيكالىق رەتتەۋ جانە مەترولوگيا كوميتەتىنىڭ, «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ لاۋازىمدى تۇلعالارى قاتىستى.
وتىرىستا حالىقارالىق اۆتوكولىك تاسىمالدارى جانە كولىك قۇرالدارىن تىركەۋ سالاسىنداعى مەملەكەتتىك قىزمەتتەر كورسەتۋ ساپاسىنا قاتىستى ماسەلەلەر قارالدى. اگەنتتىكتىڭ وسى سالادا جۇرگىزگەن باقىلاۋ ءىس-شارالارى ناتيجەسىندە مەرزىمدەردىڭ ساقتالماۋى, ارتىق قۇجاتتاردىڭ تالاپ ەتىلۋى, نەگىزسىز باس تارتۋلار جانە قىزمەت كورسەتۋ ءتارتىبىنىڭ بۇزىلۋىنا قاتىستى 1 800-دەن اسا بۇزۋشىلىق انىقتالدى.
تالقىلاۋ بارىسىندا وتىنىمدەردى قاراۋ مەرزىمدەرىنىڭ كەشىگۋىنە, تاسىمالداۋشىلار جۇمىسىنىڭ قيىنداۋىنا سەبەپ بولىپ وتىرعان اقپاراتتىق جۇيەلەردەگى ءجيى تەحنيكالىق اقاۋلار, ۋاكىلەتتى ورگاندار مەن سالا وكىلدەرى اراسىنداعى ءىس-قيمىلداردىڭ جەتكىلىكسىز اشىقتىعى جانە ۇيلەسىمسىزدىگى سىندى جۇيەلى ماسەلەلەرگە ەرەكشە نازار اۋدارىلدى.
وتىرىس قورىتىندىسىندا اقپاراتتىق جۇيەلەردىڭ تۇراقتى جۇمىسىن قامتاماسىز ەتۋ جانە ولاردى ينتەگراتسيالاۋ بويىنشا ناقتى ۇسىنىستار ايتىلدى.
اگەنتتىك مەملەكەتتىك قىزمەتتەر ساپاسىن باقىلاۋ جانە قىزمەت الۋشىلاردىڭ قۇقىن قورعاۋ باعىتىندا جۇيەلى جۇمىس جۇرگىزۋدى جالعاستىرادى.
