فوتو: finversia
«جاڭا تاريف قوسىلعان قۇن سالىعىن ەسەپكە الماعاندا, ءبىر توننا ءۇشىن 47 مىڭ تەڭگەنى قۇرايدى. بۇل بۇرىنعى تاريفتەن 7 مىڭ 450 تەڭگەگە ارزان. بۇعان دەيىن تاريف ءبىر توننا ءۇشىن 54 مىڭ 450 تەڭگە بولعان ەدى», دەپ حابارلادى زاۋىتتىڭ ءباسپاسوز قىزمەتى.
ءتاريفتى تومەندەتۋدىڭ قانداي تيىمدىلىگى بار؟ بىرىنشىدەن, مۇنداي شەشىم مۇناي ءوندىرۋشى كومپانيالاردىڭ تابىسىن تەڭەستىرۋ ءۇشىن قابىلدانىپ وتىر. ەكىنشىدەن, بۇل ەلىمىزدەگى بارلىق مۇناي وڭدەۋ زاۋىتىنا مۇناي جەتكىزۋشىلەر ءۇشىن بىردەي جاعداي جاساۋعا ءارى ەكونوميكالىق احۋالدى تەڭەستىرۋگە ىقپال ەتەدى. ۇشىنشىدەن, ىشكى نارىقتاعى مۇناي ونىمدەرىن ودان ءارى نىعايتۋعا جول اشادى.
ء«تاريفتىڭ تومەندەۋى اتىراۋ مۇناي وڭدەۋ زاۋىتىنىڭ كرەديتتىك مىندەتتەمەلەرىن وتەۋ كەستەسىن وڭتايلاندىرۋ ناتيجەسىندە مۇمكىن بولدى. زاۋىت تۇراقتى دامۋ باعىتىن بەرىك ۇستانىپ, اشىقتىق فورماتىنداعى قىزمەتىن جۇزەگە اسىرادى. مەملەكەتتىك ورگاندارمەن, سالاداعى سەرىكتەس كومپانيالارمەن تىعىز بايلانىستا جۇمىس ىستەۋدى جالعاستىرا بەرەدى», دەپ مالىمدەدى ءباسپاسوز قىزمەتىنەن.
