قازاقشا-تۇرىكشە جارىق كورگەن البوم-كىتاپتا اباي قاراسوزدەرىندەگى ءتۇيىندى ويلار مەن ناقىل سوزدەر جانە ەلىمىزگە تانىمال بەلگىلى سۋرەتشىلەردىڭ قىلقالام تۋىندىلارى بەرىلگەن.
«اباي اكادەمياسى» عىلىمي-زەرتتەۋ ينستيتۋتىنىڭ باسشىسى جاندوس اۋباكىر اباي مۇراسىنىڭ زەرتتەلەر تۇستارى ءالى دە كوپ ەكەنىن جەتكىزىپ, قازاق-تۇرىك عالىمدارىن وسى ىزدەنىس ىزىنە تۇسۋگە شاقىردى. سونداي-اق اباي ولەڭدەرى مەن قارا سوزدەرىنىڭ وزگە تىلدەرگە اۋدارىلعاندا اسىلى ماتىنەن اۋىتقىماۋ كەرەكتىگىن باسا ايتتى.
سالتاناتتى جيىنعا ابايتانۋشى عالىمدار مەن ەكى ەلدىڭ ەلشىلەرى قاتىستى. سونىمەن قاتار اتاقتى تۇرىك شايىرى ءجۇنىس امىرەنىڭ 22-ءشى بۋىن ۇرپاعى پروفەسسور ومەر ءادىل اتاسوي ارنايى كەلىپ, قازاق حالقى مەن ونىڭ رۋحاني قازىناسىنا قۇرمەتىن ءبىلدىردى.
