سالتاناتتى راسىمدە ايماق باسشىسى نۇرلىبەك نالىباەۆ وڭىردەگى مادەنيەت پەن رۋحانيات سالاسىندا اتقارىلعان جۇمىستارعا توقتالىپ ءوتتى.
وتكەن جىلى وڭىرىمىزدە جاريالانعان «رۋحانيات جىلى» اياسىندا بارلىق 7 اۋداندا قۇنى 11 ملرد 500 ملن. تەڭگە بولاتىن, ىشىندە نەكە قيۋ زالى, كىتاپحانا, مۋزەي, ارحيۆ, جاستار سارايى, ارداگەرلەر مەن انالار ءۇيى بار «رۋحانيات ورتالىقتارى» سالىنىپ, ەل يگىلىگىنە قىزمەت ەتۋدە. «اناعا تاعزىم», «وتباسى ورتالىعى», كوپفۋنكتسيونالدى 1000 ورىندىق «ونەر ورتالىعى» سالىنىپ, پايدالانۋعا بەرىلدى. قازىر وبلىس ورتالىعىندا «شىعارماشىلىق اكادەمياسى», «ساۋتس ويل» كومپانياسىنىڭ دەمەۋشىلىگىمەن مۋزىكالىق كوللەدجدىڭ جاڭا عيماراتى, تاريحي-ولكەتانۋ مۋزەيى سالىنىپ جاتىر. اتالعان نىساندار جاقىن كۇندەرى ىسكە قوسىلماق.
سالتاناتتى شارادا ايماقتىڭ مادەنيەت سالاسىنا ەلەۋلى ۇلەس قوسقان سالا ماماندارى ماراپاتتالدى. ءاسانالى ءاشىموۆ جىلى لەبىزىن ءبىلدىرىپ, تۇڭعىشباي جامانقۇلوۆ قازاقستان تەاتر قايراتكەرلەرى وداعىنىڭ «دارا» مەدالىن تابىستادى. سونداي-اق, فەستيۆال قوناعى, ء سابيرا مايقانوۆانىڭ قىزى گۇلدار ابدىلقىزىنا قۇرمەت كورسەتىلدى.
25–30 ءساۋىر ارالىعىندا وتەتىن فەستيۆالگە گرۋزيا, رۋمىنيا, قىرعىزستان مەملەكەتتەرىنەن كەلگەن تەاتر ۇجىمدارىمەن قاتار, جەزقازعان, سەمەي, اقتوبە, اتىراۋ, تالدىقورعان, قوستاناي جانە الماتى وڭىرلەرىنىڭ ساحناگەرلەرى قاتىسادى.
