سەسسيا جۇمىسىنا مەملەكەت باسشىسى قاسىم-جومارت توقاەۆ جانە قر پارلامەنتىنىڭ دەپۋتاتتارى, ەلىمىزدىڭ بارلىق وڭىرلەرىنەن كەلگەن اسسامبلەيا مۇشەلەرى, رەسپۋبليكالىق جانە وڭىرلىك ەتنومادەني بىرلەستىكتەردىڭ توراعالارى, سونداي-اق ورتالىق جانە جەرگىلىكتى اتقارۋشى ورگانداردىڭ, ءدىني بىرلەستىكتەردىڭ باسشىلارى, ساياسي پارتيالار مەن ۇكىمەتتىك ەمەس ۇيىمداردىڭ وكىلدەرى قاتىستى. سونىمەن قاتار, جيىنعا ديپلوماتيالىق كورپۋس وكىلدەرى, عىلىمي جانە شىعارماشىلىق زيالى قاۋىم, قازاقستاندىق جانە شەتەلدىك بۇقارالىق اقپارات قۇرالدارىنىڭ جۋرناليستەرى قاتىسىپ وتىر.
سەسسيادا تاۋەلسىز قازاقستاننىڭ ءۇش ونجىلدىقتاعى قوعامدىق-ساياسي تۇراقتىلىقتى, ەتنوسارالىق تاتۋلىقتى ساقتاۋ جانە دامىتۋ جولىنداعى جەتىستىكتەرى مەن تاجىريبەسى كەڭىنەن تالقىلانىپ جاتىر. قازاقستان حالقى اسسامبلەياسىنىڭ ەل بىرلىگىن نىعايتۋداعى رولىنە ەرەكشە كوڭىل ءبولىندى. اسسامبلەيانىڭ باستامالارىمەن جۇزەگە اسىرىلعان الەۋمەتتىك, مادەني, ءبىلىم بەرۋ جانە قوعامدىق جوبالار سەسسيا اياسىندا اتاپ وتىلەدى.
