ادالدىق – ادامنىڭ ىشكى وزەگىن قالىپتاستىراتىن قاسيەت قانا ەمەس, قوعام دامۋىنىڭ باستى قوزعاۋشى كۇشى. پرەزيدەنت قاسىم-جومارت توقاەۆ وتكەن جانە بيىلعى ۇلتتىق قۇرىلتايدا وسى وزەكتى ماسەلەگە باسا ءمان بەرىپ, جاستار تاربيەسىنە قاتىستى ناقتى باعىت-باعداردى ايقىنداپ بەردى.
مەملەكەت باسشىسىنىڭ تاپسىرماسىنا سايكەس, 2023 جىلدان باستاپ ەلىمىزدىڭ ءار وڭىرىندە قازاقستان حالقى اسسامبلەياسى جانىنان اقساقالدار كەڭەسى قۇرىلدى. بۇل – ۇلتتىق بىرلىك پەن قوعامدىق كەلىسىمدى نىعايتۋعا, سونىمەن قاتار جاستارعا رۋحاني-ادامگەرشىلىك تاربيە بەرۋگە باعىتتالعان ماڭىزدى قادام بولدى. قازىر رەسپۋبليكادا 1 260 اقساقالدار كەڭەسى جۇمىس ىستەپ تۇر. قۇرامىندا 7 500-دەن اسا ازامات بار.
ماسەلەن, قوستاناي وبلىسىندا كەڭەس 2023 جىلدىڭ 19 قاڭتارىندا قۇرىلىپ, وعان زيالى قاۋىم وكىلدەرى مەن ءتۇرلى ەتنوستان 22 ازامات ەندى. ال وبلىس كولەمىندە كەڭەس مۇشەلەرىنىڭ جالپى سانى 300-دەن اسادى.
كەڭەس جوسپارىنا ساي وتىزدان اسا باعىت قامتىلىپ, حالىقپەن تىكەلەي جۇمىس جۇرگىزىلىپ جاتىر. نەگىزگى باعىتتىڭ ءبىرى – «ادال ازامات» جوباسى. بۇل – مەملەكەت باسشىسىنىڭ ادىلەتتى قوعام قۇرۋ يدەياسىن جۇزەگە اسىرۋعا نەگىزدەلگەن. ماقسات – جوعارى ادامگەرشىلىك قاسيەتتەرگە يە, ازاماتتىق جاۋاپكەرشىلىگى زور, ەڭبەككە ادال, بىرلىك پەن زاڭدىلىقتى قادىرلەيتىن تۇلعالاردى تاربيەلەۋ.
قحا «ادال ازامات» قوعامدىق جوباسىن بەلسەندى ىسكە اسىرۋ جانە جالپىۇلتتىق قۇندىلىقتى ىلگەرىلەتۋ ءۇشىن اقساقالدار كەڭەسى بازاسىندا اقپاراتتىق-ءتۇسىندىرۋ توبىن قۇردى. ارنايى ادىستەمەلىك ۇسىنىمدار ازىرلەنىپ, وڭىردە ءار سالادا ەڭبەك ەتكەن اقساقالدار مەن زيالى قاۋىم وكىلدەرىنىڭ قاتىسۋىمەن كەڭ اۋقىمدى ناسيحات جۇمىستارى ءجۇرىپ جاتىر.
ۇيىمداستىرىلاتىن دارىستەر – سانانى تاربيەلەيتىن تاعىلىمدى كەزدەسۋلەر. ولار اباي قۇنانباي ۇلى, شاكارىم قۇدايبەردى ۇلى, باۋىرجان مومىش ۇلى اتامىزدىڭ, ءال-فارابي سەكىلدى ۇلى ويشىلداردىڭ دانالىق سوزدەرى مەن مەملەكەت باسشىسىنىڭ ۇلتتىق قۇرىلتايدا جۇكتەگەن تاپسىرمالارىنا نەگىزدەلىپ وتەدى. جاستارعا ادالدىقتىڭ ءمانى مەن ادىلدىكتىڭ كۇندەلىكتى ومىردەگى كورىنىسى, شىنايى پاتريوتيزم ۇعىمى تۇسىندىرىلەدى.
ماسەلەن, 10 ساۋىردە ەلىمىزدىڭ تۇكپىر-تۇكپىرىندە «اقساقال تاعىلىمى» اتتى كەڭ كولەمدى ءىس-شارا ۇيىمداستىرىلىپ, دارىستەر وتكىزىلدى. باستاما ارقىلى اقساقالدار كەڭەسى ەتنوسارالىق كەلىسىم مەن بەيبىت ءومىر قۇندىلىعىن ناسيحاتتاۋعا تىرىستى. ودان بولەك, بيىل حالىقتىڭ پروبلەمالىق ماسەلەلەرىن قاراۋ جانە ولاردى شەشۋ جونىندە ۇسىنىستار ازىرلەۋ ءۇشىن مەملەكەتتىك ورگاندار مەن ازاماتتىق قوعام ينستيتۋتتارىنىڭ قاتىسۋىمەن «دانالىق كوپىرى» ينتەراكتيۆتى كەزدەسۋلەرى ۇيىمداستىرىلدى. ماسەلەن, قوستاناي قالاسىنداعى كەزدەسۋدە وبلىس تۇرعىندارىنان 20-دان اسا سۇراق كەلىپ ءتۇستى. كوتەرىلگەن وزەكتى ماسەلەلەر ۋاقتىلى شەشىلۋى ءۇشىن جەرگىلىكتى جاۋاپتى ورگاندارعا جىبەرىلدى.
بىلتىرعى قحا سەسسياسىندا پرەزيدەنت اسسامبلەيانىڭ قوعامداعى ناشاقورلىق, قۇمار ويىندارعا تاۋەلدىلىك, تۇرمىستىق زورلىق-زومبىلىق, ۆانداليزم مەن ىسىراپشىلدىق سياقتى الەۋمەتتىك ماسەلەلەرمەن كۇرەسۋدەگى ءرولىن ەرەكشە اتاپ ءوتتى. سونداي-اق قاسىم-جومارت توقاەۆ بالالار مەن جاستاردى قورعاۋ – بۇكىل قوعامنىڭ جاۋاپكەرشىلىگى ەكەنىن باسا ايتتى.
بۇگىندە وبلىستىق انالار كەڭەسىمەن بىرلەسە وسى بەس الەۋمەتتىك كەسەلدىڭ الدىن الۋعا باعىتتالعان تاقىرىپتىق دارىستەر, تاربيە ساعاتتارىن وتكىزىپ تۇرۋدى قولعا الدىق.
كەيىنگى ۋاقىتتا قوعامدا «ادال ازامات» جوباسىنىڭ اسەرىن بايقاپ ءجۇرمىز. وڭىرلەردە جاستار ءوز ەركىمەن ۆولونتەرلىك قوزعالىستارعا قاتىسىپ, الەۋمەتتىك جوبالاردى ىسكە اسىرىپ, ەكولوگيالىق سەنبىلىكتەر مەن قايىرىمدىلىق اكتسيالارىن ۇيىمداستىرادى. بۇل ولاردىڭ قوعام ومىرىنە ەنجار قارامايتىنىن, جاۋاپكەرشىلىك جۇگىن سەزىنە باستاعانىن كورسەتەدى. ياعني جاستار تەك تىڭداۋشى ەمەس, ناعىز باستاماشىل, يدەيا ۇسىنۋشى, ارەكەت ەتۋشى ازاماتقا بىرتىندەپ اينالىپ جاتىر.
ايتا كەتۋ كەرەك, جاقىندا قوستانايدا العاش رەت اقساقالدارعا ارنالعان سەمينار-ترەنينگ ءوتتى. ءىس-شارادا اقساقالدار «ادال ازامات» جوباسىنىڭ مازمۇنىمەن تەرەڭ تانىسىپ, ادىستەمەلىك ماتەريالدار الدى. ەندى ولار ءوز ايماقتارىندا جاستارمەن ەتەنە جۇمىس ىستەپ, جوبانىڭ قۇندىلىقتارىن ناسيحاتتاۋعا كىرىسەدى.
قالقامان جاقىپ,
قوستاناي وبلىسىنداعى اقساقالدار كەڭەسىنىڭ توراعاسى
