ەۋرازيا كىتاپ جارمەڭكەسى باستالدى

كىتاپ كورمەسىنە قازاق­ستان, قىتاي, رەسەي, تۇر­كيا, يران, يسپا­نيا, پورتۋگاليا, وزبەكستان ەل­دە­رىنەن باسپا, كىتاپ ساتۋ, تانىم­دىق-عىلىمي ءبىلىم بەرۋ جانە پولي­گرافيالىق ونىمدەرىن ۇسى­ناتىن 70-كە جۋىق كومپانيا قاتىسادى.

مادەني-رۋحاني جوبانىڭ نەگىزگى ماقساتى – بالالار مەن جاسوسپىرىم­دەردى كىتاپ وقۋعا باۋلۋ, وتباسىمەن بىرگە كىتاپ وقۋدى ناسي­حاتتاۋ, جاستاردىڭ وقىر­­مان­­دىق تالعامىن قالىپ­تاس­تىرۋ, وقىرمانعا جەتەكشى باس­پا­­­لار­دىڭ كىتاپ ونىمدەرىنىڭ ەڭ جاق­سى زاماناۋي ءونىمىن ۇسىنۋ, الەم­­دىك كىتاپ شىعارۋ جانە باسپا ين­دۋس­­­ترياسىنىڭ تاجىريبەسىمەن ال­ماسۋ, الەمدىك باسپالارمەن باي­­لانىس ورناتۋ جانە باسپا ىسىن­دەگى جەتىستىكتەردى كورسەتۋ بولىپ وتىر.

«Astana Eurasian Book Fair – 2025» حالىقارالىق كىتاپ كورمە-جارمەڭكەسى ەرەسەكتەرگە دە, بالا­لارعا دا بىردەي قى­زىقتى بولاتىن بەس كۇندىك مادەني-ىسكەرلىك باعدارلامادان تۇرادى. كورمە قوناقتارى مەن قاتىسۋشىلارىن جەتەكشى وتاندىق جانە شەتەلدىك باس­پالاردان شىققان بالالار ادەبيەتى, كوركەم ادەبيەت, عى­لى­مي-تانىمدىق ادەبيەتتەردىڭ تۇساۋ­­­كەسەرى, بەلگىلى اقىن-جازۋ­شى­لارمەن قولتاڭبا-سەسسيا­لار, كىتاپ شىعارۋدىڭ وزەكتى ماسە­­لەلەرى تالقىلاناتىن دوڭگەلەك ۇستەلدەر كۇتەدى. بەس كۇندىك كورمەدە كۇن سايىن ويىن الاڭىندا كىتاپ وقۋ, شەبەرلىك سىنىپتارى, قۇندى سىي­لىقتار ۇتىسى, تاعى باسقا دا قىزىق­تى ءىس-شارالار وتكىزىلەدى.

سونداي-اق كورمە اياسىندا ءداستۇرلى تۇردە «جىلدىڭ ۇز­دىك كىتابى» بايقاۋى «جىل كىتابى», «ۇزدىك دەبيۋت», «ۇزدىك كور­­كەم ادەبيەت», «نون-فيكشن جان­رىنداعى ۇزدىك كىتاپ», «تۇركسوي»-دىڭ گران-ءپريى» اتالىمدارى بويىنشا وتەدى.

ايتا كەتەيىك, كىتاپ كورمەسىن ءداس­­تۇرلى تۇردە «فوليانت» باس­پا­سى ۇيىمداستىرىپ كەلەدى. جار­مەڭ­كە 27 ساۋىرگە دەيىن جالعاسادى. كىرۋ – تەگىن.