ەڭ كوپ ءوتىنىش بەرۋشى – الماتى, استانا جانە تۇركىستان وبلىستارىنىڭ تۇرعىندارى. ۇلىتاۋ, پاۆلودار جانە اتىراۋ وبلىستارىندا بەلسەندىلىك تومەن. قالدىرىلعان ءوتىنىم بويىنشا جۇمىس ساپاسىز اتقارىلعان جاعدايدا, پلاتفورمادا شاعىم بەرۋ فۋنكتسياسى بار. چات-بوت ىسكە قوسىلعاننان بەرى 527 شاعىم ءتۇستى, ولاردىڭ كوپشىلىگى اۋماقتارداعى تازالىق جۇمىستارىنىڭ دۇرىس جۇرگىزىلمەۋىنە, قوقىستاردى ۋاقتىلى شىعارماۋ مەن جولداردىڭ ناشار جاي-كۇيىنە قاتىستى.
پلاتفورما ەلىمىزدىڭ تۇرعىندارىنا ءارتۇرلى ەكولوگيالىق ماسەلەلەر بويىنشا ءوتىنىش پەن شاعىم بەرۋدىڭ قاراپايىم دا ىڭعايلى تەتىگىن ۇسىنادى. ءوتىنىمدى جىبەرۋ ءۇشىن اۆتوريزاتسيادان ءوتۋ, فوتوسۋرەتتى تىركەۋ, مەكەنجايدى كورسەتۋ جانە ماسەلەنى قىسقاشا سيپاتتاۋ قاجەت. ارتىنشا ءوتىنىم اۆتوماتتى تۇردە ءتيىستى جەرگىلىكتى اتقارۋشى ورگاندارعا جىبەرىلەدى. ورىنداۋشىلار جۇمىس اياقتالعاننان كەيىن فوتوەسەپتى تىركەۋگە مىندەتتى. ال ونى جولداعان ازامات ورىندالۋ بارىسى تۋرالى حابارلاما الىپ, كورسەتىلگەن قىزمەتتىڭ ساپاسىن باعالاي الادى.
@TazaQazBot چات-بوتى ارقىلى ەكولوگيالىق ۇدەرىستەردىڭ اشىقتىعى, جەدەلدىگى باقىلانادى جانە ازاماتتار دا وسى ماسەلەلەردى شەشۋگە اتسالىسا الادى. بۇل قورشاعان ورتانىڭ لاستانۋىنا جانە ەكولوگيالىق نورمالاردى بۇزۋعا «نولدىك توزىمدىلىك» مادەنيەتىن قالىپتاستىرۋعا ىقپال ەتەدى.
