ءومىر بار جەردە ءولىم بار, تابيعاتتىڭ زاڭدىلىعى سول ەكەن, ءاربىرىن قيماعانىمىزبەن, ءبارى كەزەگىمەن دۇنيەدەن ءوتىپ كەتتى. قاليحان اعامىزدىڭ دا جاقىندا 90 جىلدىعىن ارتىنداعى ۇرپاقتارى, وقىرماندارى جۇمىلىپ تويلاعالى جاتىر.
بەس تاپالدىڭ سوڭعىسى وسى اكىم تارازي ەدى. ادەبيەتكە ادال اكىم كوكەمىز دە تىرشىلىگىندە مىزعىماس مۇراتتاردى ماڭدايعا تۇتقان تالاي شىعارما جازدى. جىلدار بويى ۇرپاق جادىندا جاڭعىرا تۇسەتىن, كوڭىل تەربەپ, جۇرەك تولقىتىپ, سانالاردى ساۋلەلەندىرەتىن ولمەس تۋىندىلار قالدىردى. ەڭبەكتەرى ەل كولەمىندە, مەملەكەتتىك تۇرعىدا مويىندالدى, جوعارى باعالاندى.
قانداي جاعداي بولسىن, اعامىز سابىرلى, سالماقتى ادام ەدى. تاۋ قوزعالسا قىڭبايتىن مىنەز بەرگەندەي ەلەستەيتىن. ارتىنداعى ىنىلەرىنە قامقورلىق جاساۋدان تانبايتىن. جوعارىدا ايتقان اعالارىمىزدىڭ ەش جاماندىعىن, ۇساقتىعىن كورگەن جوقپىز. قيماعانىمىزبەن, قانشا قينالساق تا سابىر ەتىپ, ارتىنداعى ۇرپاقتارىنا, قۇداي قوسقان قوساعى روزاعا كوڭىل ايتامىز. ۇرپاقتارى امان بولسىن.
اكىمنىڭ ماڭگىلىك ساپارى ەندى باستالدى. شىعارمالارىن قالىڭ وقىرمانى قولدان تۇسىرمەيدى.
كادىربەك سەگىزباي ۇلى,
جازۋشى, مەملەكەتتىك سىيلىقتىڭ لاۋرەاتى
