ونەردى ورگە سۇيرەگەن

سان قىرلى تالانت يەلەرىنىڭ نەگىزگى ءبىر قىرى العا تارتىلىپ, باسقا جاقتارى كومەسكىلەنىپ كەتەتىن كەزدەر دە بولادى. سوندىقتان جان اۋىرىپ جازىپ وتىرعان مىنا قىسقا قايىرىم ازاسوزدە ءتارازيدىڭ پروزاسىنداعى ستيل تازالىعى, وي تەرەڭدىگى, سۋرەت بەينەلىلىگى, سەزىم شىنايىلىعى ونىڭ تەاتر دراماتۋرگياسىندا, كينوستسەناريلەرىندە جاڭاشا جارقىراعانىن ايرىقشا ايتقى­مىز كەلەدى. اكىم ءتارازيدىڭ قازاسىنا وراي كەشە «Tengrinews» «اۆتور ستسە­ناريا كلاسسيچەسكوگو فيلما ماجيتا بەگالينا «سلەدى ۋحوديات زا گوريزونت» دەپ جازىپتى. ارتىق-كەمى جوق. سولاي. اكىم اعانىڭ قو­لى­نان شىققان «قاراش-قاراش» ءفيل­­مىنىڭ ستسە­ناريى جونىندە دە وسى­لاي دەسەك, ارتىق-كەمى جوق. قالام­گەردىڭ بۇل قىرىمەن ەلۋ جىلدان استام ۋاقىت بويى جاقىن تانىس ادام رەتىندە مۇنى سەنىممەن ايتا الامىن. 1974 جىلى مەم­لەكەتتىك كينو كوميتەتىندە دەرەكتى فيلم­دەر رەداكتورى قىز­مە­تىن اتقار­عانىمىزدا اكىم اعا قازاق­ستان كينەماتوگرافيس­تەر وداعى باس­قارماسىنىڭ ءبىرىنشى حاتشىسى بولاتىن. جۇمىس بابىمەن ارا­لاسىپ قالعانىمىزدا اعامىزدىڭ قان­­داي قيىن ءتۇيىندى دە سالقىن سا­بىر­عا سالىپ شەشە بەرەتىنىن تالاي كور­­گەنبىز, ىشكى مادەنيەتىنە تالاي سۇيسىنگەنبىز. قالامگەرلىك پەن قاي­رات­كەرلىكتى قاتار الىپ ءجۇرۋدىڭ ۇي­رە­نەرلىك ۇزدىك ۇلگىسىن ىزدەسەك تە, اكىم ءتارازيدىڭ ءومىرى مەن ونەرىنەن بىر­دەي تابامىز.

ورتامىزدى ويسىراتىپ وتكەن قازا­نىڭ تۇسىندا اسىل اعانىڭ تاماشا تاعىلىمىنان ونەگە الاتىن ونەر يەلەرى شىعا بەرەدى دەپ كوڭىل دەمدەيمىز.

ساۋىتبەك ابدراحمانوۆ,

مەملەكەت جانە قوعام قايراتكەرى