ول العاشقى اڭگىمەلەر جيناعى «اقبەردىڭ اۋلاسىنان» باستاپ قازاق ادەبيەتىنىڭ كورنەكتى وكىلى بولا ءبىلدى. ونىڭ قالامىنان تۋعان بىرنەشە رومان مەن پوۆەست, اڭگىمەلەر قازاق وقىرماندارىنىڭ سۇيىكتى شىعارمالارىنا اينالدى. ءبىز, اكىم اعانىڭ سوڭىنان ەرگەن ىنىلەرى, جازۋشىنىڭ جازۋ ستيلىنە ءتانتى بولاتىنبىز. پەسا, ستسەناري جازۋدى قانشاما قازاق جازۋشىلارى وسى كىسىدەن ۇيرەنگەنى اقيقات.
قازاقتىڭ تاعى ءبىر كورنەكتى جازۋشىسى قاليحان ىسقاقوۆپەن بىرلەسىپ قانشاما كينوستسەناريدى دۇنيەگە اكەلدى دەسەڭىزشى. ول كەيىنگى ىنىلەرگە ولشەۋسىز قامقورلىق جاساپ, مەيىرىمدى اعا بولا ءبىلدى.
ول باسشىلىق قىزمەتتە دە اسىپ-ساسپايتىن بايسالدىلىعىمەن, كەڭقولتىق مەيىرىمدىلىگىمەن ەرەكشەلەنەتىن.
ونىڭ قازاقستان جازۋشىلار وداعى مەن كينوگەرلەر وداعىنا سىڭىرگەن ەڭبەگى ۇشان-تەڭىز. «قازاقفيلم» كينوستۋدياسىنىڭ قالىپتاسۋىنا, ءوسىپ-وركەندەۋىنە سىڭىرگەن ەڭبەگى ءبىر توبە.
قازاقتىڭ كەمەڭگەر, ءبىرتۋار ۇلى اكىم ءتارازيسىز قازاق ادەبيەتىن كوزگە ەلەستەتۋ مۇمكىن ەمەس.
جاتقان جەرىڭىز جارىق بولسىن, اسىل اعا!
مەرەكە قۇلكەنوۆ,
قازاقستان جازۋشىلار وداعىنىڭ باسقارما توراعاسى
