كادرلاردا بالانىڭ بانك تەرمينالىن قولىمەن ۇستاعانى كورىنەدى. بالانى توق سوققان. ساۋساقتارىن كۇيىك شالىپ, اۋرۋحاناعا جاتقىزىلدى.
پوليتسيا وقيعاعا قاتىستى قىلمىستىق ءىس قوزعادى.
«پوليتسيا كامەلەتكە تولماعان بالانىڭ جاراقاتتانۋىنا اكەلىپ سوقتىرعان قاۋىپسىزدىك تالاپتارىنا ساي كەلمەيتىن تاۋارلاردى شىعارۋ نەمەسە ساتۋ, جۇمىستاردى ورىنداۋ نەمەسە قىزمەتتەردى كورسەتۋ فاكتىسى بويىنشا قىلمىستىق ءىس قوزعادى. تەرگەۋ اياسىندا قاۋىپسىزدىك نورمالارى مەن قۇرىلعىنى ورناتۋ ەرەجەلەرىنىڭ ساقتالۋى تەكسەرىلەدى. كىناسى انىقتالسا, كىنالى تۇلعالار زاڭدا بەلگىلەنگەن تارتىپپەن جاۋاپقا تارتىلادى», دەپ حابارلادى وبلىستىق پوليتسيا دەپارتامەنتىنىڭ ءباسپاسوز قىزمەتى.
تەرگەۋ بارىسىن دەپارتامەنت باسشىلىعى ەرەكشە باقىلاۋعا الدى.
