قازاقستان رەسپۋبليكاسى ىشكى ىستەر مينيسترلىگىنىڭ بۇيرىعى № 550 

2014 جىلعى 22 تامىز, استانا قالاسى باس بوستاندىعىنان ايىرۋعا سوتتالعانداردىڭ جازاسىن وتەۋ كەزەڭىندە ورنىن اۋىستىرۋ قاعيدالارىن بەكىتۋ تۋرالى قازاقستان رەسپۋبليكاسىنىڭ 2014 جىلعى 5 شىلدەدەگى قىلمىستىق-اتقارۋ كودەكسى 16-بابىنىڭ 5) تارماقشاسىنا سايكەس بۇيىرامىن: 1. قوسا بەرىلىپ وتىرعان باس بوستاندىعىنان ايىرۋعا سوتتالعانداردىڭ جازاسىن وتەۋ كەزەڭىندە ورنىن اۋىستىرۋ قاعيدالارى بەكىتىلسىن. 2. قازاقستان رەسپۋبليكاسى ىشكى ىستەر مينيسترلىگىنىڭ قىلمىستىق-اتقارۋ جۇيەسى كوميتەتى (ب. بەردالين): 1) وسى بۇيرىقتى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەۋدى; 2) وسى بۇيرىقتى بەلگىلەنگەن تارتىپپەن «ادىلەت» اقپاراتتىق-قۇقىقتىق جۇيەسىندە جانە رەسمي بۇقارالىق اقپارات قۇرالدارىندا رەسمي جاريالاۋدى; 3) وسى بۇيرىقتى قازاقستان رەسپۋبليكاسى ىشكى ىستەر مينيسترلىگىنىڭ رەسمي ينتەرنەت-رەسۋرسىندا جاريالاۋدى قامتاماسىز ەتسىن. 3.«باس بوستاندىعىنان ايىرۋعا سوتتالعانداردىڭ ورنىن اۋىستىرۋ قاعيداسىن بەكىتۋ تۋرالى» قازاقستان رەسپۋبليكاسى ىشكى ىستەر ءمينيسترىنىڭ 2012 جىلعى 30 ناۋرىزداعى №185 بۇيرىعىنىڭ (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە 2012 جىلعى 28 ساۋىردە № 7604 بولىپ تىركەلگەن, «كازاحستانسكايا پراۆدا» گازەتىنىڭ 2012 جىلعى 26 مامىرداعى №154-156 شىققان) كۇشى جويىلدى دەپ تانىلسىن. 4. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى ىشكى ىستەر ءمينيسترىنىڭ ورىنباسارى پوليتسيا پولكوۆنيگى ب.ب. بيسەنقۇلوۆقا جانە قازاقستان رەسپۋبليكاسى ىشكى ىستەر مينيسترلىگى قاج كوميتەتىنە (ب. بەردالين) جۇكتەلسىن. 5. وسى بۇيرىق رەسمي جاريالانۋعا جاتادى جانە 2015 جىلعى 1 قاڭتاردان كەيىن قولدانىسقا ەنگىزىلەدى. مينيستر پوليتسيا گەنەرال-مايورى ق. قاسىموۆ. قازاقستان رەسپۋبليكاسى ىشكى ىستەر ءمينيسترىنىڭ 2014 جىلعى 22 تامىزداعى № 550 بۇيرىعىمەن بەكىتىلگەن باس بوستاندىعىنان ايىرۋعا سوتتالعانداردىڭ جازاسىن وتەۋ كەزەڭىندە ورنىن اۋىستىرۋ قاعيدالارى جالپى ەرەجەلەر 1. وسى باس بوستاندىعىنان ايىرۋعا سوتتالعانداردىڭ جازاسىن وتەۋ كەزەڭىندە ورنىن اۋىستىرۋ قاعيدالارى (بۇدان ءارى - قاعيدالار) سوتتالعانداردىڭ قىلمىستىق-اتقارۋ جۇيەسىنىڭ (بۇدان ءارى - قاج) ءبىر مەكەمەسىنەن باسقا مەكەمەگە ورنىن اۋىستىرۋ ءتارتىبىن بەلگىلەيدى. 2. سوتتالعاننىڭ ورنىن اۋىستىرۋى قازاقستان رەسپۋبليكاسى ىشكى ىستەر مينيسترلىگى قىلمىستىق-اتقارۋ جۇيەسى دەپارتامەنتىنىڭ (بۇدان ءارى – قاجد) باستىعى نەمەسە ونىڭ ورىنباسارى بەكىتكەن قورىتىندىنىڭ نەگىزىندە قازاقستان رەسپۋبليكاسى ىشكى ىستەر مينيسترلىگىنىڭ قىلمىستىق-اتقارۋ جۇيەسى كوميتەتىنىڭ (بۇدان ءارى – قاج كوميتەتى) جازباشا نۇسقاۋلارى (ناريادتارى) نەگىزىندە جۇزەگە اسىرىلادى. 3. ورنىن اۋىستىرۋ قورىتىندىسىندا مىناداي مالىمەتتەر: تەگى, اتى, اكەسىنىڭ اتى, تۋعان جەرى جانە كۇنى, سوتتالعانعا دەيىنگى تۇرعان جەرى, ازاماتتىعى, قاشان, قاي سوت, قازاقستان رەسپۋبليكاسى قىلمىستىق كودەكسىنىڭ قانداي باپتارى بويىنشا جانە قانداي جازا تاعايىندالعانى, جازا مەرزىمىنىڭ باستالۋى مەن اياقتالۋى, تۇرمەگە قامالعاننان كەيىنگى مەرزىمىنىڭ اياقتالۋى, سوتتالعان ۇستالاتىن مەكەمەنىڭ ءنومىرى مەن رەجيم ءتۇرى, ءنومىرى كورسەتىلە وتىرىپ قانداي ناريادتىڭ نەگىزىندە جانە قاشان كەلدى, قول قويىلعان كۇنى, وسى مەكەمەگە كەلگەنگە دەيىن جازانى وتەۋ ورنى (جەكە ءىسى بويىنشا قوزعالىسى) جانە قاي مەكەمەگە اۋىستىرۋ, اۋىستىرۋدىڭ نەگىزى قامتىلۋى ءتيىس. قورىتىندىعا مىنەزدەمە, كوتەرمەلەۋلەر جانە جازالاۋلار تۋرالى انىقتاما, سوتتالعاننىڭ باسقا مەكەمەگە اۋىستىرۋعا جازباشا ءوتىنىشى قوسا بەرىلەدى. 4. قاج كوميتەتىنىڭ نۇسقاۋلارى (ناريادتارى) بويىنشا جازانى وتەۋ ءۇشىن جىبەرىلگەن نەمەسە اۋىستىرىلعان سوتتالعاندار وسى تۇردەگى باسقا مەكەمەلەرگە قاج كوميتەتىنىڭ رۇقساتىنسىز ودان ءارى اۋىستىرىلمايدى. 5. سوتتالعانداردىڭ ورنىن اۋىستىرۋ كەزىندە ولاردى مەكەمە (جىبەرۋشى ورگان) كيىممەن, ماۋسىمدىق اياق كيىممەن, سونداي-اق جول ءجۇرۋىنىڭ بارلىق كەزەڭىنە سوتتالعاندارعا بەلگىلەنگەن نورما بويىنشا ازىق-ت ۇلىكپەن قامتاماسىز ەتەدى. 6. سوتتالعانداردىڭ ورنىن اۋىستىرۋى بيۋدجەتتىك قاراجات ەسەبىنەن جۇزەگە اسىرىلادى. 7. مەكەمەنىڭ ۋاكىلەتتى لاۋازىمدى ادامدارى سوتتالعانداردى ءبىر مەكەمەدەن باسقا مەكەمەگە اۋىستىرۋ كەزىندە قۇپيالىلىق پەن قاۋىپسىزدىكتى قامتاماسىز ەتۋ بويىنشا شارالار قابىلدايدى. 8. تولىق قاۋىپسىزدىك مەكەمەسىن جازانى وتەۋ مەرزىمى اياقتالعاننان كەيىن سوتتالعان مەكەمەدە قۇقىقتىق ءتارتىپتى ساقتاۋ قاجەتتىلىگىنە بايلانىستى ونىڭ ورىن اۋىستىرۋ جاعدايلارىن قوسپاعاندا, ول كەلگەن قاۋىپسىزدىگى ارالاس مەكەمەلەرگە بەكىتۋ بويىنشا رەجيمنىڭ ءتيىستى ءتۇرى بار مەكەمەگە اۋىستىرىلادى. 9. باس بوستاندىعىنان ايىرۋعا سوتتالعاندار ءبىر مەكەمەدەن باسقا مەكەمەگە ايداۋىلمەن ايداۋىلدانادى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2014 جىلعى 26 قىركۇيەكتەگى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە № 9758 بولىپ ەنگىزىلدى.